La Prense Kolektivu, TDD Adia Julgamentu Burlaco

DILI- Tribunal Distrital Dili (TDD) suspende hikas audensia julgamentu ba arguidu Fransisco Burlaco tanba Juiz kolektivu neebe prezide la kompletu.

Liu husi sala audensia tribunal deklara, labele halao audensia julgamentu tanba la prense kolektivu, Juiza Ana Paula moras. Tanba nee tribunal suspende fali audensia nee ba loron (24/10) tuku 14:00 loraik hodi kontinua rona deklarasaun sasin neebe mak tribunal notifika ona.

Testamunha nain haat neebe mak tribunal notifika atu fo sira nia deklarasaun iha parte dader nain rua neebe mai mak Joao Fransisco no Leonito. Entretantu nain rua seluk neebe la mai mak Jose Maria ho Roza Vong.

Tuir akuzasaun husi Ministeriu Publiku katak iha Fulan Janeiru too Dezembru tinan 2007-2008, Ministeriu Saude loke tenderizasaun ba konstrusaun Hospital Referal Baucau.

Orsamentu ba projetu konstrusaun ba Hospital Referal Baucau ho montante  Miliaun 4.  Neebe manan nain husi kompania internasional Margin konstrusaun husi Korea Sul ho nia director nia naran Untaek Yi . Neebe obra refere nia fisik atinji  4%, Kompania hahu abandona.

Depois rona akuzasaun, arguidu Fransisco Burlaco iha nia depoimentu, los momentu nia asina pedidu pagamentu la verifika didiak, pagamentu neebe antes governu halo ona ba dala rua ba kompania Margin Kontrusaun husi Korea nee.

Los hau asina duni pedidu pagamentu bazeia ba oreitasaun mai hosi asesor legal Ministra Finansas, ho rajaun atu selu traballador sira neebe kompania abandona, tan traballadores sira halo problema ona. Hau laiha intensaun seluk,” tenik arguidu Burlaco.

Nia hatutan, kona ba orsamentu refere tranfere ba konta bankaria privadu ho naran Leonito Freitas  Belo ho Americo Diaz, nia parte laiha konesementu, tan nia kompetensia so halo pedidu pagamentu, maibe prosesu pagamentu iha kompetensia Ministeriu Finansas. Informasaun kompletu iha STL Jornal no STL Web, edisaun Tersa (11/10/2016). Domingas Gomes

LEAVE A REPLY

Please enter your comment!
Please enter your name here