Matabisu Laiha, Herme Rakut Atina Nia Fuk

Dili-Tuir akuzasaun husi Ministeriu Publiku katak iha loron (28/7/2015) tuku 7:00 dader iha Liquiça lezada Albertina homan hela bote arguidu Hermegildo Domingos bolu nia oan Natalino atu ba hadia lutu iha uma oin maibe nia oan lakohi.

Arguidu nervozu foti Natalino nia ropa iha raga laran hodi soe ba liur. Nunee Natalino foti aisuak hodi tuir arguidu ba hadia lutu. Hadia hotu sira fila mai uma, haree lezada kontinua homan bote. Arguidu husu ba lezada dehan matabisu iha neebe, loro sae ona mos ita seidauk han. Neemak arguidu nervozu hodi rasta lezada nia fuk dala ida.

Hatan ba akuzasaun nee arguidu deklara katak, akuzasaun sira nee los hotu. Nia rasta lezada nia fuk tanba la halo matabisu, arguidu rasta deit fuk la baku lezada. Maibe depois problema sira diak malu kedas.

Iha fatin hanesan lezada hatete, los duni arguidu rasta nia fuk tanba la halo matabisu, maibe depois problema sira diak malu kedas. Too agora sira laiha ona probelma. Rona tiha deklarasaun husi parte rua nian, tribunal suspende fali audensia nee ba loron (24/10) tuku 11:30 dader. Informasaun kompletu iha STL Jornal no STL Web, edisaun Sabado (7/10/2016). Domingas Gomes

 

LEAVE A REPLY

Please enter your comment!
Please enter your name here