Ministru Justisa Propoin Dadur Nain 17 Atu Hetan Indultu

DILI, STLNEWS.co – Relasiona ho indultu ba dadur sira iha loron boot 20 fulan Maiu, iha dadur nain 17 mak hatama ona pedidu.

Tuir Ministru Justisa, Tiago Amaral Sarmento katak, tuir lei n. 5/2016, 25 de Maiu, konaba estabelese prosedimentu konsesaun ba indultu ho komutasaun pena, enkamina tiha ona pedidu husi rekluzu ka dadur sira ba iha Prezidente Republika iha loron 11 fulan Abril tinan 2022.

“Total rekluzu neebe hatoo pedidu konaba indultu ho komutasaun pena hamutuk rekluzu 17,” dehan nia ba STL liu husi WhatsApp, Segunda nee (09/05/2022).

Nia hatutan, oras nee kabe ba Prezidente Republika, tanba nee kompetensia rasik Prezidente Republika nian tuir Konstituisaun Republika Demokratika Timor Leste (K-RDTL), mak sei desidi atu fo indultu ka komutasaun pena ba rekluzu sira. Nunee, Ministru Justisa somente sai hanesan ponte atu fasilita no enkamina tutan ba Sexa Prezidente Republika.

Antes nee Prizaun Bekora propoin dadur nain 14, prizaun Gleno dadur nain 13, no prizaun Suai nain 1.

Tuir Diretor Estabelesimentu Prisional Prisaun Bekora, Joao Domingos katak, daudaun nee prizioneiru neebe naran tama iha lista atu hetan indultu husi Prezidente Republika iha loron 20 fulan Maiu tinan nee, husi prizaun Bekora propoin dadur nain 14.

“Husi Prizaun Bekora propoin dadur 14, no nain 11 nee hau rasik mak propoin ba governu, no nain 3 seluk nee parte advogadu husi prizioneiru nia mak propoin rasik,” dehan Joao.

Nia hatutan, prizioneiru nain 14 neebe mak atu hetan indultu husi Prezidente Republika iha loron 20 fulan Maiu, nia naran parte husi Estabelesimentu Prisional, Prizaun Bekora haruka ona ba Ministeriu Justisa, no hein deit husi neebe mak desidi fali bele hetan indultu ka lae.

Iha fatin seluk, Diretor Estabelesimentu Prizional Prizaun Gleno, Nito da Costa hateten, Prizaun Gleno propoin dadur nain 13 atu hetan indultu.

(ter)

LEAVE A REPLY

Please enter your comment!
Please enter your name here

NEWS UPDATE

Profile Padre Francisco Fernandes

Edisaun ohin ita sei ho Padre Francisco Soares Fernandes, ai fuan domin husi aman Domingos Fernandes no inan Isabel Soares, oan ba dala uluk...

Afetadu Covid-19, Horta Nia Amigu Diak Husi Nova Zelandia La Partisipa

DILI, STLNEWS.co - Prezidente eleitu Dr. Jose Ramos Horta hatete, Ministru boot ida husi Nova Zelandia nia kolega diak tinan 30 ona, ministru boot...

Asidente Iha Bekora, Vitima Mate Fatin

DILI, STLNEWS.co – Asidente trafiku kareta tanki tula mina ida husi kompania Realistric Fuel, la iha sapa matrikula ho motor Revo ho sapa matrikula 3668...