DILI, STLNEWS.co – Jurista Timor oan konsidera, nesesariu estabelese tribunal iha munisipiu sira.
“Hau nia hanoin nesesariu tebes atu estabelese sede tribunal iha munisipiu hotu, tanba lei organizasaun judisiariu promulga ona husi Presidente Republika,” dehan Jurista Sergio Dias Quintas ba STL, Domingu nee (31/07/2022).
Nia hatutan, lei nee nia espiritu ezije atu harii tribunais sira iha munisipiu hotu, agora ita hein hela lei nee nia implementasaun.
Nunee, lei organizasaun judisiariu foun nee hanesan sinal pozitivu, sentidu hodi hakbesik justisa ba povu liu-liu ba sira neebe osan laiha.
Iha fatin ketak, Diretora Sentru Formasaun Juridiku no Judisiariu (CFJJ – sigla portugues), Marselina Tilman da Silva dehan, estabele tribunal iha munisipiu sira presiza aumenta tan rekursu umanu.
(ter)
