DILI, STLNEWS.co – Polisia Nasional Timor-Leste (PNTL) halo kapturasaun ba suspeitu nain rua (2) ho inisial JSM no AR, tanba deskonfia naok vitima ho naran inisial GMS nia telefone iha area ponte CPLP Komoro.
“Ita iha kazu ida neebe mak akontese iha loron 20 fulan Julhu tinan nee, maizoumenus akontese tuku 08:00 kalan iha area Ponte CPLP Komoro, ema deskonhesidu uza motor Mio laiha xapa matrikula, sira hadau telefone husi senhora ida ho naran insial G.M.S, no vitima konsege duni tuir too iha area Bebonuk nian, sira soe hela telefone iha fatin nee, vitima sira hakilar no komunidade sira hela iha area neeba konsege kaer suspeitu no kontaktu kedas ba parte polisia, hodi entrega suspeitu ba iha PNTL,” dehan Segundu Komandante Munisipiu Dili, Superentidente Assistente, João Sancho Pires, ba jornalista sira iha nia knaar fatin Kaikoli, Dili, Sesta nee (22/07/2022).
Nia dehan, hafoin parte PNTL halo kaptura ba suspeitu nee, sira nia parte mos buka tuir tan suspeitu sira seluk no konsege kaptura tan suspeitu ida, maibe iha fali dia seguinte mak foin kaptura.
Kontinua ba pajina 2
