ERMERA, STLNEWS.co – Polisia Nasional Timor Leste (PNTL) hamutuk ho United Nations Development Programe (UNDP) nomos parseiru sira seluk, ofisialmente lansa fatuk dahuluk ba konstrusaun Uma Unidade Polisia Vulneravel (VPU) iha Munisipiu Ermera.
Liu husi diskursu Segundu Komandante PNTL, Komisariu Polisia Pedro Belo haktuir, ohin hamutuk iha fatin ida nee hodi halao serimonia lansamentu primeira pedra ba konstrusaun edifisiu VPU iha munisipiu Ermera.
Nia hateten, atu fasilita ba VPU patrikularmente VPU Munisipiu Ermera, iha artif 24 husi lei kontra violensia domestika hodi fo asistensia no atendimentu ba vitima violensia domestika no vitima violensia bazeia ba jeneru.
“Atraves ba fatin seguru ida nee, vitima violensia domestika sei hetan informasaun hotu-hotu konaba sira nia direitu, tanba ita hotu hatene krimi violensia domestika hanesan krimi publiku, neebe hakerek ona iha lei numeru 7/2010,” dehan nia iha edifisiu PNTL, Gleno, Ermera, Tersa nee (02/05/2023).
Krimi violensia domestika hasoru feto no labarik kontinua akontese ba familia no sosiedade nia leet, neebe hetan violensia fiziku, violensia sexual, violensia ekonomia, violensia fiskolojia, no hahahlok ameasa no bandu liverdade feto iha ambiente familiania laran.
Nia hateten, iha parte seluk violensia neebe mosu iha sosiedade nia leet mak hanesan violensia sexual, abuzu sexual, asediu sexual iha fatin servisu, nomos poensaun sexual.
“Ho situasaun ida nee mak dada ita hotu nia atensaun, governu, sosiedade sivil, lideransa komunitaria, igreja, komunidade no parseiru dezenvolvimentu, ita hotu hamutuk atu halo prevensaun ba krimi violensia domestika, tanba krimi nee hanesan krimi ida neebe nia abut metin ona iha familia nia laran,” dehan nia.
Nia mos hatoo agradese ba parseiru dezenvolvimentu hotu neebe mak durante nee sempre apoiu PNTL, no espera katak sira sei kontinua halao servisu hamutuk hodi apoiu ba VPU iha munisipiu seluk.
Iha fatin hanesan, Komandante PNTL Munisipiu Ermera Superintendente Xefe Justino Menezes, haktuir ohin partisipa iha serimonia lansamentu primeira pedra ba konstrusaun edifisiiu seksaun VPU, iha kuarter Komando PNTL munisipiu Ermera Gleno.
“Ohin komando PNTL munisipiu Ermera hetan previlejiu ida tanba tulun husi ita nia parseiru dezenvolvimenu nasional ba instituisaun PNTL, liu husi ita nia parseiru diak neebe firmeza tulun nafatin PNTL mak hanesan UNDP,” dehan nia.
Tanba nee, bainhira halao misaun neebe orienta iha abilidade operasional no atividade administrativu ho professional tenki leno dezenvolvimentu adekuadu no sustentavel, hanesan maksimiza dezenvolvimentu rekursu humanus no kualidade, kuantidade, ho efisiensia no efikaz iha instituisaun PNTL.
Segundu dezenvolvimentu kareira ba memebru PNTL, Terseiru Maksimiza no moderniza dezenvolvimentu rekursu materiais, Kuatru maksimiza dezenvolvimentu spiritual no fiziku.
“Ho ida nee, ami fo obrigadu no agradese ba parseiru dezenvolvimentu sira, hanesan UNDP neebe kontinua firmeza apoiu dezenvolvimentu PNTL, liu husi kontrusaun edifisiu sub-Seksaun VPU mai Komando PNTL Munisipiu Ermera,” dehan nia.
Sira mos fiar katak ho apoiu sira nee hotu, laos ba edifisiu ida nee deit, maibe sei apoiu nafatin ho fasilidade seluk neebe PNTL presija hodi halo atendimentu diak liu tan ba komunidade sira hotu ho professional, hodi eleva nia dignidade humana.
Nunee mos Resident Representative UNDP iha Timor Leste Munkhtuya Altangerel, senti haksolok wainhira selebra hamutuk serimonia lansamentu fatuk dahuluk ba konstrusaun uma SeguruVPU, tanba PNTL sai hanesan parseiru diak tebes ba Nasoens Unidas, desde independensia.
“Hau hakarak hateten, liu husi inisiativa Spotligth, no PNTL hametin ona lasu parseria, ida nee espesialmente iha area kombate violensia sexual no domestika hodi hadia no responde no investigasaun neebe professional no abordajen sinsitiva ba vitima sira,” dehan nia.
Nia haktuir, ba esforsu nee, sira servisu hamutuk ho Unidade Ema Vulneravel husi PNTL, nunee vitima sira bele senti seguru.
(efi)
