Presiza Kria Prizaun Ketak Ba Foinsae

DILI, STLNEWS.co – Sosiedade sira preokupa ho estabelesimentu prizaun, tanba nee husu atu iha futuru kria prizaun ketak ba foinsae sira neebe komete krimi.

“Ita haree oras nee iha prizaun, dadur sira neebe foinsae tau hamutuk deit ho dadur sira neebe idade boot, tanba nee tuir hau nia hanoin diak liu presiza kria prizaun ida ketak ba foinsae sira,” dehan Akademiku UNTL Mario Martins ba STL iha Tribunal, Sesta (23/06/2023).

Tuir nia, ohin loron foinsae barak mak komete krimi hodi tama iha prizaun, tanba nee tuir lo-loos sira labele tau hamuutk ho dadur foinsae sira. Kria prizaun ida ketak ba sira, atu formasaun ketak ba sira, hodi muda sira nia hahalok.

Nia esplika, foin sae sira nia hanoin la hanesan ho ema neebe idade ona, tanba nee hanesan foin sai moris iha prizaun, presiza iha formasaun diak ba sira, atu fatin diak ba sira, atu bele transforma sira nia hahalok, hodi sai iha liur labele halo tan.

Iha fatin ketak, Diretor Prizaun Suai Julio Dias Ximenes dehan, prizaun Suai iha mos dadur neebe idade foin sae.

“Iha mos dadur balu neebe idade foin sae, maibe sei tau hamutuk tuir bloku neebe iha,” dehan nia.

Nia reforsa tan, atu halo prizaun ketak, ida nee kompetensia kabe ba iha governu, sira hanesan iha terenu asegura deit oinsa tau matan ba dadur sira iha prizaun.

(ter)

LEAVE A REPLY

Please enter your comment!
Please enter your name here