DILI, STLNEWS.co – Povu kiik sira iha direitu ba rezisténsia lejitima defeza kontra Juiza Zulmira A.B.S nia desizaun injusta, konaba rai Aimeti Laran tuir Konstituisaun Republika Demikratika Timor Leste (K-RDTL) artigu 28.
Konferensia imprensa nee halao iha Aldeia Sao Jose, Suku Komoro, Postu Administrativu Dom Alexo, Munisipiu Dili, Sabadu nee (30/09/2023).
Eusebio Gusmao hanesan porta voz dehan, tuir Konstituisaun RDTL nian artigu 42 no artigu 48 haruka, povu kiik sira halao asaun iha Dili hodi hasae petisaun, kesar no reklamasaun ba tribunal, orgaun soberania no veteranu da guerra sira kontra juiza Zulmira A.B.S. nia aktu injustusa iha TDD,atu defende Manuel Gusmao nian direitu, nudar nain lo-loos ba rai Aimeti Laran. Ikus mai reforsa tan ho Konstituisaun RDTL nian artigu 28 direitu de rezistensia lejitima defeza kontra Zulmira nian despaisu injustu, konaba ezekusaun ba rai Aimeti Laran.
Eusebio dehan, bazeia ba juiza Zulmira nian dokumentu sentensa nian konteudu eradu ho Nuc 0265/15. CVTDD hodi hola desizaun injusta afavor ba sidadaun neebe nunka hela iha rai Aimeti laran no halo obra ruma iha fatin nee. Juiza Zulmira nian desizaun injusta, too agora juiz balun husi TDD too tribunal rekursu taka malu metin, hodi impoen deit desizaun nian forma, maibe Juiza Zulmira nian dokumentu sentensa nian konteudu neebe sala, sira labele taka.
(jac)
