TDD Husu Buka Tuir Arguidu NAKROMA Nain 2

DILI, STLNEWS.co – Juis prosesu iha sala julgamentu laran, husu ba iha PNSIK atu ezekuta mandadu neebe tribunal hasai, atu buka tuir suspeitu nain rua (2) neebe oras nee lakohi kolabora ho tribunal ba kazu envolvimentu Grupu Naok Ten Rona Malu (NAKROMA).

Juis iha prosesu deklara, mandadu tribunal nian hatun kleur ona ba parte PNSIK, maibe seidauk iha informasaun mai fali tribunal, katak suspeitu ka arguidu nee hetan ka lae.

Iha audiensia liu husi desizaun koletivu, tribunal deside fixa kedas edital ba arguidu nain rua (2) ho inisial MB ho E katak, tempu prazu semana ida mak la hetan tribunal sei halo separasaun prosesu atu julga arguidu sira seluk, nunee labele prejudika arguidu prezu sira seluk.

Enkuantu iha fatin hanesan, prokurador titular husu ba tribunal atu hasai mandadu detensaun liu husi Polisia Sientifiku Investigasaun Kriminal (PCIC – sigla Portugues) deit, tanba parte PCIC la ezekuta mandadu neebe tribunal hatun.

Aleinde nee, parte Defensor Publiku, Marçal Mascarinhas konkorda ho desizaun tribunal koletivu nian katak, atu halo separasaun prosesu, tanba iha arguidu lubuk ida mak dadaun kumpre prizaun preventiva, kuandu arguidu nain rua (2) buka la hetan, no tribunal halo adiamentu beibeik ba prosesu mak sei prejudika ba arguidu prezu sira nia prazu kastigu.

Ho razaun sira nee hotu, tribunal deside adia hikas julgamentu kazu nee ba iha loron seluk.

Audensia nee reprezenta juis nain tolu, kompostu husi juis Albertina Neves, Afonso Carmona, Ercilia de Jesus, enkuantu parte Ministeriu Publiku reprezenta husi Prokurador Jacinto Babo, no arguidu sira hetan asistensia legal hodi Defensor Publiku nain tolu.

(ter)

LEAVE A REPLY

Please enter your comment!
Please enter your name here

NEWS UPDATE

Diduga 6 Oknum PNTL Terlibat Kasus Kematian Marcos Amaral

DILI, STLNEWS.co – Kasus kematian seorang pemuda Suai Loro, Distrik Covalima, Marcos Amaral menjadi preseden buruk bagi institusi Polisi Nasional Timor Leste, (PNTL) karena...

Update Covid-19 TL 24 Janeiru: Kazu Pozitivu Nain 1

DILI, STLNEWS.co – Ohin loron 24 fulan Janeiru tinan 2022, hodi Koordenadora Jeral Surtu Covid-19, Ministeriu da Saude, deteta kazu pozitivu nain 1 husi...

MCAE – MTK Atualiza Progresu Investimentu Fibra Optika Ba PM Taur

DILI, STLNEWS.co – Ministru Koordenador Asuntu Ekonomia (MCAE) Joaquim Amaral no Ministru Transporte Komunikasaun Sosial (MTK) Jose Agostinho da Silva, aprezenta progresu investimentu projetu...