Tenta Hakat Ilegal Ba Australia, SNI Kaptura Sidadaun Nain 3

DILI, STLNEWS.co – Sidadaun Indonezia nain tolu (3) ho naran hanesan Wisnu Yurianto, Iman Nurofik no Prawiro Harjo, tenta atu tama ilegal ba nasaun Australia ho roo kiik oan ida, maibe autoridaade seguransa liu husi Servisu Nasional Informasaun (SNI) konsege kaptura no halo ona prosesu ba sira.

“Sira nain tolu (3) horiseik (21/04/2022) hetan kapturasaun, depois hetan informasaun husi membru SNI nunee kapturasaun sira, no depois PNSIK foti mai horseik halo investigasaun, ohin iha ona Sevisu Migrasaun, hanesan ita boot sira hatene sira nee hakarak ba buka servisu iha Australia maibe ho roo, entaun horiseik ita foti kedan no halo identifikasaun ba sira,” dehan Visi Ministru Interior, Antonio Armindo ba jornalista sira iha nia knaar fatin, Vila Verde, Dili, Sesta nee (22/04/2022).

Nia haktuir, sidadaun sira nee tama iha Timor Leste nee tuir dalan legal liu husi fronteira trestre. Maibe, tanba hakarak ba Australia ho dalan ilegal mak autoridade halo kedan impedimentu.

“Prosesu normal konaba krimi nian horiseik PNSIK halo ona invetigasaun, no ohin mai halo investigasaun tuir lei migrasaun nian, ita halo identifikasaun no investigasaun, tanba sira tama mai iha Timor nee legal,  soke sira nian intensaun hakarak ba Australia nee mak ilegal, maibe sira seidauk aranka ita halo kapturasaun,” nia afirma.

Enkuantu, hafoin remata prosesu investigasaun iha Servisu Migrasaun, sei kontaktu Embaixada Indonezia para oinsa mak bele trata kazu refere.

Maski nunee, konaba atu halo deportasaun ba sidadaun nain tolu nee,  Visi Ministru Interior nee dehan, sei hein prosesu investigasaun remata.

(efi)

LEAVE A REPLY

Please enter your comment!
Please enter your name here

NEWS UPDATE

Numeru Konflitu Tuun Makaas Dezde Governu Desidi Reativa Atividade Arte Marsiais & Arte Ritual

DILI, STLNEWS.co - Primeiru Ministru (PM) Taur Matan Ruak hateten, dezde governu desidi reativa atividade Grupu Arte Marsiais no Arte Ritual, numeru konflitu iha...

Taur Apresia Esforsu SEJD-KRAM Reativa Atividade Arte Marsiais & Arte Ritual

DILI, STLNEWS.co - Primeiru Ministru (PM) Taur Matan Ruak agradese esforsu Sekretariu Estadu Juventude no Desportu (SEJD) no Prezidente Komisaun Reguladora Arte Marsias (KRAM ), neebe...

Sasin La Iha Konhesimentu Kazu Konstrusaun Armajen Foos

DILI, STLNEWS.co - Kazu konstrusaun armajen foos, Tribunal Distrital Dili kontinua rona sasin. Tanba nee, iha julgamentu kontinuasaun nee, tribunal rona sasin ho inisial MC neebe...