Tribunal Halo Re Julgamentu Kazu Oho Mate Vera

DILI, STLNEWS.co – Tribunal Judisial Primera Instansia Dili kontinua halao re julgamentu ba kazu neebe akontese iha Dolok Oan.

Iha sala julgamentu loron Kuarta nee (17/05/2023), Juiz prosesu Ersilia de Jesus deklara, prosesu antes nee tribunal halao ona julgamentu, no desizaun tribunal sai hodi absolve tiha arguidu sira.

Maibe husi parte Ministeriu Publiku (MP) la aseita ho desizaun nee, hodi halo rekursu ba iha Tribunal Rekursu. Ikus mai Tribunal Rekursu desidi nulu ba desizaun neebe sai husi tribunal primera instansia, no haruka tribunal atu halo fali re julgamentu ba prosesu refere.

Juiza deklara, Tribunal Rekursu mos husu atu halo teste DNA ba ruin ida neebe hetan iha Subaun, atu indentifika lo-loos ruin neebe hetan iha Subaun nee, vitima Vera ka laos.

Juiza deklara tan, prosesu ida mos antes nee laos juiz mak hanesan prezidente, maibe iha juiz seluk ida mak kaer prosesu nee, tanba nee juiza nee husu atu prokurador no defeza mantein juiz ida antes mak kaer prosesu nee ka oinsa.

Rona tiha ida nee, Prokurador Antonio Tavares no Advogada Privada Adelina solisita ba iha tribunal, atu mantein ho juiz koletivu Ana Paula, Euzebio no Zulmira Auxiliadora, neebe antes nee kaer prosesu nee, tanba iha ona konhesimentu klean konaba prosesu ida nee.

Rona tiha ida nee, tribunal mos aseita adia ba loron seluk hodi desidi fali juiz neebe antes nee kaer ona prosesu nee mak bele nafatin kaer prosesu refere.

Tuir akuzasaun neebe iha katak, iha tinan 2015 too tinan 2016, arguidu no vitima hela hamutuk iha Sra Rosa nia uma iha area Lekintai, Dili.

Arguidu inisial NX iha relasaun namora ho vitima Vera De Carvalho Martins. Iha loron 30/06/2018 maizumenus tuku 16.00 otl, arguidu hasoru nia doben Vera, iha Kampu Alor lori vitima ba ba uma iha Likintai no toba iha neeba.

Kontinua ba pajina 2

LEAVE A REPLY

Please enter your comment!
Please enter your name here