Tribunal Husu Arguidu-Lezadu Koalia Lian Offisial

DILI – Tribunal Distrital Dili (TDD) husu ba arguidu, lezadu no testamunha sira neebe Timor oan neebe mak tribunal notifika mai iha tribunal, atu koalia lian offisial bainhira atu fo deklarasaun.

Liu husi sala audensia tribunal juiza Edite Palmisa hatete, nudar Timor oan iha obrigatoriu atu koalia lian offisial hanesan tetum no Portugues wainhira atu fo deklarasaun ba tribunal. Tanba TL nasaun de direitu, neebe husu ba arguidu, sasin no lezadu neebe mai fo deklarasaun tenke koalia ho lian offisial laos ho lian Indonesia.

Kestaun nee Juiza Edite deklara bainhira nia husu identidade ba arguidu, lezadu no testamuna. Sira hatan ho lian Indonesia, tanba nee tribunal husu ba sira katak nudar Timor oan iha obrigatoriu atu koalia lian offisial bainhira mai iha tribunal. Tanba iha tribunal uza deit lingua offisial, sekuandu la hatene liafuan rua nee tribunal bele fasilita tradutor hodi interprete fodik.

Iha biban nee arguidu Orasio, lezadu Elbino no sasin Fransisco mos resposta ho lian tetum maske iha liafuan balun sala. Sira rasik sente ida nee hanesan edukasaun ida husi juiz ba sira, atu nunee sira bele esforsu an hodi koalia lian tetum. Informasaun kompletu iha STL Jornal no STL Web, edisaun Tersa (11/10/2016). Domingas Gomes

LEAVE A REPLY

Please enter your comment!
Please enter your name here