Asegura Elprez, PNTL Siaga 1

DILI-Atu asegura Eleisaun Prezidensial (Elprez) Polisia Nasional Timor-Leste (PNTL) planea ona aplika siaga 1.

Segundu Komandante Jeral PNTL Komissariu Polisia, Faustino da Costa informa ba STL iha Komandu Jerala PNTL Caicoli Dili, Segunda (13/3/2017) katak, atu asegura situasaun seguransa iha Ilprez hahu  dia 15-21 Marsu 2017 PNTL iha Teritoriu Timor laran tomak sei halo seguransa masimu hodi asegura  prosesu eleisaun prezidensial too ramata.

Tanba loron ikus neebe ita iha loron 3, neebe loron hakmatek nia,” dehan Faustino.

Tuir Faustino katak, iha tinan hira ba kotuk iha loron hakmatek nee labele iha tan atividade ruma no labele loritan atributu partidu nia, tanba nee polisia tenke antisipa.

Ita espera katak ekipa susesu hotu husi kandidatu prezidente nain 8 atu bele akonpania nafatin para ida neebe diak ona ita bele mantein halo diak liu tan ba oin, ida nee mak ami nia esperansa,” katak Faustino.

Nunee mos, Komandante Polisia Tranzitu (Poltraz) Dili  Inspektur Polisia, Matias da Silva dehan, liga ba situasaun sira nee poltraz mos kontinua mantein nia knar hodi nunee asegura ba movimentu serkulasaun kareta-motor inklui movimentu  ema nia.

Tanba nee hahu husi prosesu kampania kandidatu prezidente too eleisaun prezidensial Poltraz sei servisu makaas liu tan. Atu nunee asegura ita nia komunidade sira nia movimentu tanba nee ekipa Poltraz too agora kontinua halao nia knar nafatin.

Nuee mos, Komandante PNTL Eskuadra Laga, Sarjentu Polisia, Duarte Belo alias Soru dehan, PNTL Esquadra Postu Administrativu Laga pronto halao nian knar  tuir ordem no lei. Hodi asegura seguransa tuir despaisu komandu ba movimentu komunidade durante eleisaun prezidensial. Lucia Ximenes

 

LEAVE A REPLY

Please enter your comment!
Please enter your name here

NEWS UPDATE

Kandidata An Ba PR, Labele Sai Opozisaun Ba Instituisaun Estadu

DILI, STLNEWS.co – Jurista Timoroan husu ba sidadaun se deit maka atu kanidata an ba Prezidente Republika, tenke hatene funsaun PR nian. Tuir Jurista Sergio...

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...