ASM 2017 Prioridade Ba Bee-Mos

DILI-Planu Autoridade  Suku Mascarinhas iha tinan  2017 nia laran prioridade  bee-mos, tanba nee preokupasaun importante husi komunidade.

Tuir Xefe Suku Mascarinhas Rui Ilidio de Araujo katak, programa importante iha suku nee mak bee-mos tanba iha nee komunidade Aldeia Altu Balide inklui Aldeia PM-05 presiza tebes bee-mos.

Aldeia rua neebe hau temi  iha leten durante nee  preokupa tebes  bee-mos tanba, laiha duni bee dalaruma tenke lao ho destansia dok foin hetan bee-mos,”katak Rui ba STL iha ninia knar fatin, Kinta (2/3/2017).

Atu responde ba preokupasaun komunidade ninia mak  hanesan autoridade  lokal sempre buka meius hodi ejekuta fila-fali orsamentu neebe mai husi programa  PNDS atu nunee bele buka hodi kanaliza bee ba komunidade sira.

Fatin hanesan Xefe Aldeia Alto PM-05 Hermenecildo Soares dehan, informasaun neebe pasa husi xefe suku los duni tanba durante nee komunidade Aldeia Altu PM 05 laiha duni bee mos.

Administrador Vera-Cruz rasik dada bee ba ami maibe populasaun barak nee duni  lasufisiente. Komunidade sira  tenke lao ain ho distansia dok foin kuru bee.

Preokupasaun isensial husi komunidade mak bee-mos tanba nee husu ba governu atu   atensaun.

Sorin seluk lia nain Suku Maskarinhas dehan buat neebe xefe suku hatete los duni tanba komunidade areia ida nee sempre preokupa liu ba bee-mos. Dalaruma komunidade rasik tenke lao dok buka bee.

Kestaun falta bee-mos laos deit komunidade mak preokupa maibe autoridade lokal mos preokupa hotu. Tanba nee, liu husi  programa PNDS tuir mai sei fo prioridade ba bee-mos. João Fátima

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...