Autoridade Munisipal Presiza Halo Evaluasaun Foti Sasan Vendedores

DILI, STLNEWS.co – Akademista Universidade Dili (UNDIL), atual Vise Reitor III, Hugo Lourenco da Costa hatete, Autoridade Munisipal presiza tenke halo evaluasaun ba atuasaun ekipa kontrolu sira nian, neebe halo kontrola ba vendedores neebe faan sasan iha dalan, atu nunee labele foti povu ai-leba nia sasan.

Nia dehan, ekipa kontrolu neebe halo kontrola ba negosiante sira neebe faan sasan iha dalan, kona ba hadau sasan negosiates nian nee mosu bebeik ona.

“Tuir lolos Autoridade Munisipal tanke iha medidas no halo evaluasaun kona ba hahalok nee, i buka ona aprosimasaun seluk atu kontrola vendedores. Laos ba hadau fali povu aileba nia sasan,” dehan nia ba STL, liu husi WhatsApp, Sesta (04/06/2021).

Nia afirma, no dalaruma sistema kontrola maka la funsiona, tanba laiha lei munisipiu nomos orientasaun ida atu hadau povu aileba nia sasan nee, aktu bandalismu neebe mosu husi pessoal autoridade no fiar katak, menus mos formasaun ba ema sira nee.

Sejestaun, dalan seluk maka autoridade munisipiu mos presiza rona mos preokupasaun no karik iha kaisa ruma ba sira faramais hadau povu aileba nia sasan ho situasaun neebe ema barak susar se hadau ema nia sasan, no ema la livre halo atividade ekonomia, entaun governu fo han ema deit, para sira lalika faan sasan iha dalan.

“Ita mak tenke sosializa ba povu aileba atu hatene utiliza fasilidade publiku, karik governu fornese ona, hanorin sira atu hamos no tau lixu iha fatin atu nunee asegura fatin publiku bele mos nafatin, maske ita uza hodi faan sasan auotoridade mos presiza atu halo limpeza tanba sira iha ekipamentu ba apoiu serbisu sanitariu,” hakotu nia.*

Reportajen: Domingas Soares/Blandina Mauno
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...

Vota Abstensaun Myanmar, TL Laiha Sentimentu Humana

DILI, STLNEWS.co - Relasiona ho Ministra Negosoiu Estranjeiru no Kooperasaun (MNEK), neebe mak vota abstensaun ba nasaun Myanmar, akademista konsidera Timor Leste laiha sentimentu...
%d bloggers like this: