Bee Dalan Tasi Tolu Nakonu Ho Foer

Bee Dalan Tasi Tolu Nakonu Ho Foer. (Foto: STL/Madalena Horta)

DILI, STLNEWS.co – Impaktu husi soe foer arbiru, komunidade Tasi Tolu infrenta inundasaun iha tempu udan, tanba negosiante sira neebe faan obralan, la tau ropa aat iha lisu, maibe soe tama ba baleta kuak nomos komunidade balun soe fali agua mamuk tama baleta kuak, tan nee hamosu inundasaun.

Liu husi intervista negosiante roda tolu, Rosa Alves, hateten, foer neebe nakonu iha baleta kuak hodi hamosu inundasaun nee, laos negosiante roda tolu sira mak soe foer arbiru ba baleta kuak, maibe ema sira neebe faan ropa obralan la tau ropa aat sira nee iha fatin lixu, no ema sira neebe konsumu bee agua la soe fali masa mamuk ba baleta kuak, tan nee halo intupidu hodi bee la tun ba tasi, tanba drainajen nakonu ho foer,” kestaun nee fo sai husi negosiante roda tolu, Rosa Alves ba STL iha nia knaar fatin Tasi Tolu, Domingo (28/02/2021).

Nia mos afirma liu tan katak, uluk governu kria ekipa ida tun mai hamos foer iha baleta kuak sira nee, maibe agora laiha, tanba nee maka foer nakonu fali ona, no bainhira rai udan bosok sempre hamosu inundasaun, tanba bee dalan nakonu ho foer, no foer sira nee mak hanesan obralan aat, no agua mamuk.

Tuir observasaun STL nian iha terenu hare katak, hahu husi dalan atu tama ba merkadu karantina nian mai too iha terminal Tasi Tolu, foer nakonu iha bee dalan, tanba nee hamosu inundasaun iha tempu udan, foer sira neebe nakonu iha bee dalan nee maka hanesan plastik aat, agua Mamuk, lata mamuk no seluk tan.*

Reportajen: Madalena Horta
Editor: Ekipa STL

LEAVE A REPLY

Please enter your comment!
Please enter your name here