Bee Mos Kontinua Sai Preokupasaun Ba Povu

DILI, STLNEWS.co – Problema bee mos nafatin sai preokupasaun ba povu kiik iha baze, kada loron komunidade tenke ba hadau malu bee hodi kuru, balun sosa deit bee husi kareta bee mos nian kada jergen 5 liter ho presu 0.10 centavos.

Jose Mocho hanesan komunidade Tasi Tolu hatete, tinan barak ona komunidade Tasi Tolu sofre ba bee mos, tan nee komunidade maioria sosa deit bee mos husi kareta sira neebe faan bee mos, bee PAM mai maibe oras ida deit dala ruma la too oras, serake komunidade Tasi Tolu ema barak tebes, tan nee susar hotu hotu atu hetan bee mos, ema barak sosa deit.

“Ami povu la husu osan ba governu, maibe ami husu deit kanalizasaun bee mos, ba komunidade nee importante tanba ema hotu moris presiza bee mos, tan nee governu nia ekipa tenke tun halo survei ruma, durante nee povu asesu ona bee mos ka lae, karik seidauk, saida maka governu atu halo hodi nunee povu labele halerik tan,” dehan nia ba STL, Tersa (25/05/2021).

Nia mos afirma, kada loron komunidade sira tenke ba antrian ka hadau malu bee iha estrada boot, no kanu nee kotu desde kalamidade neebe foin dadauk akontese estraga kanu bee mos nian no too agora seidauk hadia, tan nee hotu hotu ba hadau malu kuru iha estrada boot.

Iha parte seluk reprezenatnte povu iha Uma Fukun Parlamentu Nasional, Deputadu Domingos de Carvalho hatete, problema bee mos laos komunidade iha Tasi Tolu deit maka infrenta, maibe kuaze povu iha teritoriu laran preokupa, tan nee politika governu nian atu dada bee mos husi Ermera Rai Lako, fiar katak bele realiza atu nunee bele fasilita povu.

“Hau hanoin bee mos nee sai hanesan preokupasaun real neebe povu halerik hela deit, laos iha Dili deit maibe akontese mos iha Munisipiu sira hotu, tan nee liu husi orsamentu neebe iha, governu tenke tau importansia liu ba povu nia halerik sira nee,” dehan nia.

Tuir observasaun STL nian iha terrenu haree katak, kada loron komunidade konsentra iha estrada boot Tasi Tolu, hodi hadau malu kuru bee, balu tula iha kareta ho motor maka lori ba uma, tanba komunidade balun hela dok, maibe obriga aan mai kuru iha fatin neebe bee mos sai.*

Reportajen: Madalena Horta
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...

Vota Abstensaun Myanmar, TL Laiha Sentimentu Humana

DILI, STLNEWS.co - Relasiona ho Ministra Negosoiu Estranjeiru no Kooperasaun (MNEK), neebe mak vota abstensaun ba nasaun Myanmar, akademista konsidera Timor Leste laiha sentimentu...
%d bloggers like this: