Defisil Kumpre Distansia Iha Merkadu

DILI, STLNEWS.co – Xefe Jestor merkadu Taibessi, Antonio Manuel de Araujo hatete, movimentasaun ema iha merkadu, defisil atu kumpre distansiamentu sosial. Kestaun nee Antonio Manuel de Araujo informa ba STL iha merkadu Taibessi, Sabadu (15/05/2021).

Nia hatete, provizoriumente ligadu ba serka sanitaria, merkadu lao normal tuir orientasaun neebe mak mai husi Ministeriu Saude, hanesan iha Marsu nia laran too agora merkadu Taibessi kontinua lao normal.

Nia dehan, regras iha merkadu ligadu ba Covid-19, kontinua avizu organiza taka masker, tidin bee ho sabaun iha portaun oin hodi utiliza ba fase liman, se se deit mak atu tama ba merkadu tenke kumpre fase liman no taka masker.

“Ita koalia kona ba distansiamentu sosial defisil oituan, merkadu nee ita atu evita distansiamentu sosial nee husi neebe, tanba transporte sirkula hela distansia la hetan tiha ona, ita haree hanesan motor bele tula ema rua ka tolu. Ita haree hanesan transporte balu, hanesan kareta neebe mak tama sai tula hela ema rua tolu,” tenik nia.

Nia akresenta, agora atu evita fatin sira hanesan merkadu, labele evita ema sira neebe halo movimentu ba mai, maibe kontinuasaun sempre iha. Hanesan negosiante balu taka, balu loke hela.*

Reportajen: Maria Tavares
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Mensagen Avo Ramos Horta https://youtu.be/YPnLzaLb43E Ministério...

Odete: Pasiente Kuarentena Tasi-Tolu La Konkorda Desizaun MS Haketak Feto & Mane

DILI, STLNEWS.co - Ministra Saude, Odete Maria Freitas Belo afirma, fatin izolamentu Tasi-tolu, Ministeriu Saude (MS) koko atu izola feto ketak no mane ketak,...

Joven Baucau Komesa Hakribi Violensia

BAUCAU, STLNEWS.co - Kazu sivil neebe mak sempre mosu la sai preokupasaun estabilidade seguransa Munisipiu Baucau nian, tanba joven barak komesa komesa hakribi violensia. Lia...
%d bloggers like this: