Dom Virgilio Dirije Misa Ba Antigus Alunus Iha Asia Oceana-Australia

DILI – Bispo dioseze Dili, Dom Virgilio do Carmo da Silva, SDB preside misa abertura ba realizasaun XI kongresu familia Salesiana Asia-Oceana.

Misa abertura ba realizasaun XI kongresu internasional familia salesiana Asia-Oceania nee halao iha parokia Maria Auxiliadora Comoro, Tersa (05/10/2016).

Iha homilia Dom Virgilio agradese ba Dom Bosco no Maria Auxiliadora liu-liu ba aman Maromak, Oan no Esperitu Santu ba oportunidade furak antigus alunus sira, hodi bele halibur hamutuk nuudar Dom Bosco nia oan sira mane no feto.

Maske mai husi kultura, nasaun oi-oin no esperensia neebe mak la hanesan, maibe iha lian ida neebe mak esperitu Dom Bosco rasik,” dehan Dom Virgilio.

Nia hatutan antigus alunus sira halibur hamutuk hodi halao enkontru ba dala XI nivel rejiaun nian, ho tema “Kuida Ita Nia Uma Halo Sai Fatin Ida Neebe Mak Soi Duni Hodi Hela Ba No Jerasaun Neebe Tuir Mai”.

Iha fatin hanesan, iha diskursu Pe. Apolionario Hornai Neto, SDB nuudar Provinsial Indonesia no Timor (ITM) hateten iha Dom Bosco nia naran liu-liu familia Salesiana iha Timor no Indonesia nia naran, hakarak agradese tebes ba delegadus antigus alunus husi internasional no nasional nia prezensa.

Programa XI kongresu familia salesian Asia-Oceanea neebe sei halao iha Dili, hahu iha loron 4-8 Outubro 2016. Numeru partisipante hamutuk 300, kompostu husi paises sira iha Asia-Oceana no husi Roma/Italia hamutuk 68 membrus no husi Timor Leste hamutuk 132. Informasaun kompletu iha STL Jornal no STL Web, edisaun Kinta (6/10/2016). Domingos Piedade Freitas

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...