Estudante Covalima Ezije Governu

Estudante munisipiu Covalima neebe eskola iha Dili no hela iha kos area Aimutin, husu governu atu apoiu nesesidade bazika. (Foto: STL/Joaninha Belo)

DILI, STLNEWS.co – Governu neebe dekreta Estadu Emerjensia (EE) ba dala 11, estudante munisipiu Covalima neebe eskola iha Dili no hela iha kos area Aimutin, husu governu atu apoiu nesesidade bazika.

“Ami hakarak hatoo preokupasaun neebe ami infrenta iha kos maka primeiru fos, mina, osan ba transporte mos laiha, segundu maka inan aman husi Munisipiu Suai atu transfer, maibe osan mos laiha, tanba lockdown atividade lalao, oinsa sira bele hetan osan,” dehan estudante Nazario A. Moniz ba jornalista iha area Aimutin, Tersa (09/03/2021).

Nia akresenta liu tan, nuudar estudante sente triste tanba husi parte komponente ajuda urjente ba poblema neebe maka sira hasoru, liu-liu nesesidades bazika neebe presiza. Ho nunee bele sustenta moris lor-loron nian durante EE nia laran.

Nia haktuir, estudante neebe hela iha kos nee kompostu husi universidade IOB, UNDIL, UNPAZ, CRISTAL. Estudante nee hamutuk 45 pessoas, kos kada fulan selu $60 ou $50.*

Reportajen: Joaninha Belo
Editora: Domingas Gomes

LEAVE A REPLY

Please enter your comment!
Please enter your name here