Familia Vitima La Satisfas Ho Aktu KPK no Membru PNTL

DILI, STLNEWS.co – Relasiona ho kazu neebe akontese iha loron Sesta (30/04/2021), iha grupu neebe asaltu malu iha eis merkadu Becora Temporal, tanba nee familia vitima JDSG ho FSG, la satifas ho aktu neebe Konsellu Polisiamentu Komununitariu (KPK) no Polisia Nasional Timor-Leste neebe baku vitima nain Rua JDSG ho FSG too grave.

Tuir portavoz Nicolas Pinto iha konferensia imprensa hateten, relasiona ho akontesementu iha loron 29 fulan Abril tinan 2021, mais ou menus tuku 10 kalan, iha area eis-Merkadu Becora, neebé rejulta provokasaun husi joven bairo Saraf, Suku Kuluhun hodi halo asaun provokasaun ba joven bairo temporal, suku Becora.

Liu husi tuda fatuk hodi rejulta tuda kanek vitima neebe ho inisial JDSG iha kanuruk ulun parte sorin los, bainhira vitima rasik tur iha varanda uma oin hodi halimar hela game PUBG, ho nunee mak vitima rasik tama ba uma laran atu fanun vitima nia maun neebe nia hela hamutuk naran inisial FSG.

“Nuudar maun rasik hanesan mos vitima hader mai hare ba nia ulun kanek no ran sulin makaas ona, ho nunee nia maun ho nia fen kaben deside atu lori vitima neebe hetan tuda kanek iha kanuruk atu ba hatoo keixa iha Polisia Eskuadra Cristo-Rei. Maibe bainhira sira nain rua lao too estrada boot eis-merkadu Becora nia oin simu kedas agresaun fiziku husi pesoal KPK suku Kuluhun ho naran Konesidu Ameu Kalohan ho nia maluk lubuk ida neebe vitima ladun konese, tanba nee familia vitima la satisfaz tebes ho aktu sira nee hotu,” dehan portavoz nee liu husi konfrensia imprensa Becora, Dili, Sabado (02/05/2021).

Nia hatete, membru oknum PNTL nain rua maka tun husi kareta ho marka Hilux ho sapa matrikula 18-567 mai tuku, tebe, no sama sira nain rua ba estrada hodi rejulta tan vitima FSG hanesan ulun nakles, no oin no koskoleta bubu no grave.

Nia esplika, depois nee sira nafatin fo kompetensia ba oknum intelijensia sira neebe uza roupa sivil hodi baku tan vitima nain rua nee too aumenta grave liutan.

Vitima rasik ezije atu lori sira ba Hospital Nasional Guido Valadares hodi bele hetan tratamentu emergensia no konsege baixa no halo teste mediku iha sala emergensia iha oras mais ou menus tuku 12 ho balun kalan.

Husu mos ba Ministeriu Públiku (MP) atu investiga Ameu Kalohan membru KPK suku kuluhun hodi hatudu autor sira neebe mak involve iha agresaun fiziku hasoru vitima nain rua nee.*

Reportajen: Efizenia da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Kazu Espoza Teofilo Caldas; GMPTL Husu Mane Labele Sama Parseira

DILI, STLNEWS.co - Relasiona ho kazu Sekretariu Estadu Arte no Kultura (SEAK) Teofilo Caldas nia feen kaben, mate tanba deskonfia tara aan, Grupu Mulheres...

Hasai Imunidade Anabela, Olinda: $40 Deit Lalika Hatan Ba Tribunal

DILI, STLNEWS.co - Parlamentu Nasional (PN) hasai ona imunidade deputada bankada FRETILIN Anabela Savio, atu hodi ba hatan iha tribunal relasiona ho kazu mina....

Situasaun Covid-19, HNGV Kama Mamuk Barak

DILI, STLNEWS.co - Ho situasaun pandemia surtu Covid-19 neebe oras nee Timor-Leste hasoru, halo pasiente barak mak la mai halo tratamentu iha Hospital Nasional...
%d bloggers like this: