FKHTL Entrega Uma Ba Oan Kiak

DILI, STLNEWS.co – Forum Karidade Humanitaria Timor Leste (FKHTL), entrega uma ba oan kiak Fernanda da Costa Ranguel no Tomazia da Costa Ranguel.

Prezidente FKHTL, Miguel da Silva Ornai hatete, uma ida nee iha tinan kotuk wainhira simu subsidiu $100 no hetan husi ONG neebe monitoring ba subsidiu $100 no depois sira komunika ba FKHTL, tanba oan kiak Fernanda da Costa Ranguel, atu ba simu subsidiu, maibe ema barak klaim tanba sira nia inan aman mate, entaun ema protestu neebe ONG hakbesik husu oan kiak sira no observa sira nia uma ho kondisaun aat.

“ONG sira komunika ho FKHTL ami momentu haree kedan, tau iha planu maibe ami seidauk halo tanba momentu halo uma ida iha Dare, depois hotu atu ba halo, maibe halo tan uma ida iha Bebonuk, tanba toba deit iha rai durante tinan 20 no foin dadauk fulan kotuk ami enkontru urjenti komunika ho deputadu, Autoridade Lokal no ONG balun no halo uma nee iha loron 05 Abril too ohin ita bele inagura,” hatete Prezidente FKHTL, Miguel da Silva ba jornalista iha Suku Madohi, Sesta (30/07/2021).

Nia akresenta, lolos uma nee target fulan ida no dezafiu ho fundu material laiha tanba FKHTL mesak juventude, estudante i kuaze laiha servisu neebe laiha osan barak, maibe sira iha forsa no fiziku.

Nia afirma, sira halo uma durante nee prosesu ho ema barak neebe agradese tanba apoiu maximu husi joven suku Madohi kuaze apoiu totalmente no balun lalin raihenek, kahur masa no seluk tan.

Nunee nee mos oan kiak Fernanda da Costa Ranguel dehan, apoiu material laos FKHTL mesak, maibe husi organizasaun barak neebe mak apoiu atu halo uma nee. Durante nee oan kiak nain 2 hela mesak, maibe ho uma kondisaun aat tebes no kona ba hahan inan hakiak maka suporta.

“Ami desde kiik hela iha uma nee maibe ho kondisaun aat tebes no kona ba hahan ami nia inan hakiak maka suporta ba hahan,” nia tenik.

Oak kiak hatutan, nia inan mate iha tinan 2017 no aman mate iha 2020 agora foin halo tinan ida.*

Reportajen: Blandina Mauno/Joaninha Belo
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: