GDMBR Iha Inisiativa Produs Fugaun

Koordenador Defisiensia Moris Buka Rasik, Federico Hornai. (Foto: STL/Natalina Lopes)

DILI, STLNEWS.co – Grupu Defisiensia Moris Buka Rasik (GDMBR), iha inisiativa rasik hodi produs fugaun iha Timor Leste.

Koordenador Defisiensia Moris Buka Rasik, Federico Hornai, hatete, grupu defisiensia moris buka rasik nia laos hamriik mesak, maibe tutela asosiasaun naroman ba futuru hanesan departamentu ida organizasaun naroman ba futuru nian.

“Fugaun Timor neebe ami estabelese komesa hahu husi 2019 too agora. Ami servisu hamutuk ho UNDP, husi 2019 too iha fulan Abril 2020, iha momentu neeba ami servisu hamutuk ho sira hanesan projetu pilotu ida fo ba ami produtor balun inklui ho grupu defisiensia buka rasik,” dehan Federico Hornai ba STL, iha Fatin Bebonuk Faularan, Sesta (19/03/2021).

Nia informa tan, iha tinan kotuk sira konsege distribui sira nia produtu fugaun foun ba maluk sira neebe presiza total halo distribui hamutuk 1.300 ba benefisiariu sira.

“Prosesu produsaun hau hanoin diak tanba servisu neebe mak senti ba todan, maibe bainhira ita hanoin deit nee todan maibe kuandu ita halo nee senti ba kaman. Bainhira ami prepara ona stok, no benefisiariu sira neebe mak hakarak atu asesu ba fugaun nee defende tuir sira nia pesanan, maibe tuir ami nia database tun liu mak tolu ho haat,” tenik nia.*

Reportajen: Natalia Lopes
Editor: Ekipa STL

LEAVE A REPLY

Please enter your comment!
Please enter your name here