GMD Labele Viola Direitu Negosiante

DILI-Membru Parlamentu Nasional (PN) sente preokupa tebes ho ekipa Guarda Munisipiu Dili (GMD) nian maneira intervensaun ba negosiantes sira, tanba   dala barak sempre hamosu preukupasaun no kria dezentendimentu iha komunidade nia leet.

Tuir Prezidente Komisaun G trata asuntu Etika deputadu Agostinho Lay katak, ekipa GMD dala barak halo maneira intervensun neebe hanesan viola demais direitu negosiante.

Ita nian negosiante sira nee presiza buka sira moris liu husi fila lima, maibe kuandu negosiante sira halo aktividade negosiu GMD tun duni hodi hamosu problema too kria dezentedimentu entre ekipa guarda munisipiu ho negosiante. Ida nee buat ida neebe mak ladun diak,” katak deputadu Agostinho Lay ba STL iha PN, Kuarta (8/3/2017).

Tuir Agostinho katak, kuandu buat balun mak naksalak nee presiza resolve tuir malu laos halo intervesaun ho maneira neebe dalaruma too hamosu problema garve.

Guarda Munisipiu Dili (GMD) nuudar servidor estadu tantu mos ita neebe mak servisu iha instituisaun governu nian. Tanba nee iha parte ida ba kesataun nee sira halo aksasaun tuir lei dekreta numeiru 33/2008 nian kona-ba higene orden publika.

Signifika ho aksaun nee nuudar esforsu ida ba ekipa GMD liu Autoridade Munisipiu Dili nian hakarak Sidade Dili nee moos no sai sidade neebe ordenadu maibe labele ho maneira intervesaun neebe hamos problema.

Tanba  negosiante sira  mos hanesan sidadaun, nee duni, bainhira Autoridade Munisipiu Dili (AMD) hakarak  atu negosiante  labele faan iha dalan ninin tenke regor iha regulamentu atu nunee muda negosiante  bele konsentra iha fatin ida.

Nunee mos deputada husi bankada CNRT Izilda Manuela relasa, kestaun neebe oras nee dadaun negosiante sira infreta dalaruma sira iha ona fatin governu liu husi MCIA kria ona sentru merkadu rua hanesan Merkadu Taibesi no Merkadu Manleuana. Maibe negosiantes sira lauza dalarum faktores ekipamentus hanesan bee-mos no fasilidade seluk lakompletu tanba nee mak halo negosiantes balun hili dalan halo negosiu iha dalan ninin.

Hau hanoin negosiante sira mos presiza osan hodi sustenta sira nian familia, nuudar aileva oan negosiante sai hanesan kampu traballu ida ba sira. Maibe kuandu ekipa guarda munisipiu Dili halo maneira intervesau neebe ladun diak hasoru negosiante Presidente Autoridade Munisipiu Dili tenke toma konsiderasaun,”katak Izilda.

Hatan preokupasaun nee Xefe Departementu Jestaun Merkadu Munisipiu Dili  Berta Santa Viera dehan, ekipa guarada munisipiu Dili sei mantein servisu tuir dekretu lei 33/2008, kona-ba hejene no orden publiku.

Ita hakarak sidade Dilie mos presiza hotu- hotu nian kolaborasaun, maibe kona-ba kestaun negosiante nian nee husi governu liu husi MCIA etabelese ona sentru merkadu rua. Neebe  hakarak ka lakohi negosiante halo aktividade iha fatin  refere,” katak Berta.

 Nia hatutan ba kestaun negosinte balun neebe maka kontinua faan iha dalan ninin nee tanba konsesia negosiante. Tanba nee husi GMD rasik sei kontinua halo operasaun ba negosisnte kontinua viola orden publiku ida nee GMD sei haree tanba hakarak sidade nee sai organizadu. Natalino T.da Costa

 

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...