Igreja Maria Auxiliadora Kumpre Regras OMS

DILI, STLNEWS.co – Igreja Maria Auxiliadora Comoro ohin hahu hikas selebrasaun misa hamutuk ho sarani sira, nafatin kumpre regras protokulolu Organizasaun Saude Mundial (OMS) nian hodi prevene aan husi moras surtu Covid-19.

Amo Parokia Igreja Maria Auxiliadora Comoro, João Roque, antes hahu selebrasaun misa husu ba sarani sira atu kumpre nafatin regras OMS ho Ministeriu Saude nian.

“Hau husu ba sarani sira mai misa tenke uza maskra, no mantein distansiamentu fisiku, no sira neebe bainhira sente moras isin manas ho mear lalika mai misa,” esplika Amo João antes selebra misa, iha igreja Maria Auxiliadora Comoro, Domingo (30/05/2021).

Alende nee nia, husu ba eskuteru sira atu tau matan halo kontrola ba sarani sira neebe tuir misa atu nafatin kumpre regras hodi tuir distansiamentu neebe tau ona stiker iha kadeira sira iha igreja laran ho liur no atu nafatin uza maskra, atu nunee sarani sira bele prevene aan husi moras Covid-19 nomos maluk sarani sira seluk.

Tuir observasaun jornalista STL iha terenu katak, antes hahu misa Amo Parokia nee halo kontrolu ba sarani sira hodi kumpre regras. Kadeira iha igreja laran no liur tenke tuur tuir regras ka estiker neebe taka ona ema nain rua maka bele tuur iha banku ida, no ema hotu uza maskra.

Aleinde nee mos, sarani sira atu ba simu komuniaun forma lina tuir stiker neebe taka ona atu lao tuir, nunee mantein nafatin distansiamentu fiziku, no bainhira selebrasaun misa hotu sarani sira atu rei estatua Maria Auxiliadora, nafatin lao tuir distansiamentu no rei estatua tau liman labele kona estatua.

Selebrasaun misa iha loron Domingo nee halao dala 5, hahu husi dader tuku 6:30, depois tuku 7:30, tuir tuku 9 i tuku 10 resin no lorokraik tuku 5:30.*

Reportajen: Domingas Soares
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: