Infraestrutura Balun La Lao, Impedementu Husi Komunidade

DILI-Dezenvolvimentu infraestrutura iha Munisipiu Ermera liu liu Estrada husi Gleno ba Letefoho-Atsabe, too agora governu seidauk hadia tanba hetan impedementu husi komunidade sira neebe maka hela besik Estrada, tan nee fo impaktu ba movimentu ekonomia povu nian iha Munisipiu nee rasik.

Preokupasaun nee fo sai husi Reprezentante povu iha uma fukun Parlamentu Nasional, Deputadu Antonio dos Santos 55 ba STL, Tersa (07/03/2017) iha nia knar fatin PN.

Hau hanesan Ermera oan hakilar bebeik iha uma fukun ida nee, konaba Estrada Gleno ba too postu Administrativu Atsabe neebe grave fo impaktu ba povu agrikultor sira atu asesu ba merkadu, no ikus mai governu rona duni ami nia lian hodi tau osan atu hadia Estrada nee maibe, problema neebe akontese iha baze maka governu labele hadia tanba hetan impedementu husi komunidade sira neebe hela besik Estrada ibun sira nee,”informa deputadu 55.

Nia mos informa liu tan katak, governu tau ona osan atu halo rehablitasaun ba Estrada refere maibe, too agora lao tanba hetan impedementu husi komunidade sira neebe hela besik Estrada ibun, tanba sira lakohi atu lakon rai rohan metro ida rua tanba nee impede dezenvolvimentu infraestrutura iha Ermera rasik sei lao too agora.

Iha fatin hanesan Deputadu Paulino Monterio mos hatutan katak, dezenvolviemntu iha Ermera la lao nee, laos impedementu husi komunidade sira neebe maka hela besik iha Estrada ibun maibe problema real neebe akontese iha baze katak, kompania no Veteranus sira maka hadau malu projetu, no too ikus mai dun ba povu kiik sira. Madalena Horta

 

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...