Insidente Iha Haris Fatin Izolamentu Foti Ona Medidas

(Foto: Espesial)

DILI, STLNEWS.co – Insidente neebe akontese iha fatin izolamentu Tasi-Tolu, neebe mane ida tenta hafuhu inan feton ida, iha haris fatin, jestores sira foti ona medidas atu labele akontese tan.

Informa Rui Maria de Araújo, Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, iha Centru Convensaun Dili (CCD), via Zoom Call Tersa (23/03/2021).

“Insidente neebe akontese iha fatin ka sala izolamentu iha Tasi-Tolu, jestores sira iha fatin izolamentu rezista ona, i foti medidas preventivas oinsa mak atu labele akontese tan.” informa Rui.

Entretantu informasaun neebe STL asesu katak, iha inan feton ida ho nia oan feto ho idade 13, horisehik lokraik oras 16:30 hanesan nee ba haris, mane ida tenta hafuhu liu husi haris fatin leten, tanba haris fatin iha izolamemtu Tasi-Tolu tutan malu no leten la taka.*

Reportajen: Guilhermina Franco / Jeniche da Costa
Editor: Crisogono Magalhães

LEAVE A REPLY

Please enter your comment!
Please enter your name here