Jacinto Quelo Seidauk Hetan Apoiu Emerjensia Husi Governu

DILI, STLNEWS.co – Jacinto Quelo hanesan komunidade afetadu inundasaun iha loron fulan Abril, too agora seidauk hetan apoiu emerjensia ruma husi governu.

Tuir Komunidade Afetadu Aldeia 03 Kampung Alor, Jacinto Quelo hanesan reprezentante ba maluk Oecusse oan sira neebe mak faan pentolan nee hatete, nuudar sidadaun ida iha direitu atu koalia sai kona-ba problema neebe mak durante nee sira hasoru iha estadu emerjensia, serka sanitaria no kalamidade.

“Iha tempu EE no SS ami kumpri no halo tuir protokolu OMS nian neebe mak fo mai ami, maibe ami la satisfaz ho governu neebe fo mai ami tanba problema neebe mak ami hasoru nee nunka mais tau matan mai ami,” dehan Jacinto Quelo ba jornalista iha Aitarak Laran, Kinta (29/04/2021).

Nia hatutan, komunidade Oecusse oan ladun satisfaz tanba problema neebe mak sira hasoru nee estadu haree deit, maibe la tau matan ba nia sidadaun sira.

“Problema neebe mak durante ami hasoru nee menus ai-han, osan laiha, no ami nia oan, alin, primu sira eskola nee enfrenta hotu problema, tanba sira nia estudu nee lalao no liu-liu ba estudante sira neebe mak hela iha kost ka uma aluga susar atu selu tanba osan laiha,” nia tenik.

Nia deklara, durante estadu emerjensia nee estudante sira susar atu hetan hahan no osan tanba ro la halo movimentu liu-liu estudante Oecusse oan neebe mak halao nia estudu iha kapital Dili nee.*

Reportajen: Blandina Mauno
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: