Janeiru-Marsu PNTL Rejistu, Kazu Azidente 352

DILI- Hahu husi Fulan Janeiru too dia 8  Marsu 2017 Polisia Nasional Timor-Leste (PNTL) rejistu kazu asidente trafiku hamutuk 352 kazu, husi kazu nee rezulta ema nain 17 mate.

Lia-hirak nee hatoo husi Segundu Komandante Jeral PNTL, Komissariu Polisia, Faustino da Costa ba Jornalista sira iha Kuartel Jeral PNTL Caicoli Dili, Segunda (13/3/2017).

Tuir Faustino katak, kauza husi asidente trafiku nee mai husi kareta ho kareta soke malu, kareta ho motor, motor ho ema, motor ho motor soke malu. Husi numeru asidente nee 352, rezulta mate ema nain 17, hetan kanek kaman no todan ema nain 432.

Husi dadus nee ita lasura ho kareta no motor sira neebe aat, husi numeru nee mak ema nain 17 mate. Nee buat ida neebe boot tebes, tanba nee mak polisia halo cek point loron-loron tanba kazu nee maioria akontese iha Munisipiu Dili,”katak Faustino.

Hanesan iha fim de semana katak, Faustino,  PNTL Munisipiu Dili prende transporte publiku hanesan mikrolet ho taxi hamutuk 250 neebe halo atividade operasional laho kondisaun hanesan. Dalaruma dokumentu mate ka liu prazu, kondutor balun laiha karta kondusaun.

Aleinee prende mos motor neebe sein kondisaun signifika katak, kondisaun motor ahi-oan laiha hamutuk 116 motorizada.

Deputadu, David Dias Ximenes dehan, asidente tarfiku sempre akontese tanba ema halai arbiru.

Deputadu David Dias, esplika tan katak, akontese mos iha Parlamentu oin neebe kareta Parlamentu atu tama no motorista ida atu liu maibe autoridade seguransa nee mai soke husi kotuk.

Hanesan asidente trafiku foin dadauk akontese kareta PN  atu tama senhora ida mos atu liu, mais polisia ida mai soke husi kotuk. Ikus mai polisia sira mai dehan ita ba tranzitu nia fatin hau hau dehan ba sira lae. Primeiru polisia mak mai soke husi kotuk segundu nia plat kotuk laiha,” dehan David.

Tuir observasaun STL iha Terenu katak iha tuku 12:00 asidente trafiku ida neebe akontese iha parte area Parlamentu Nasional oin membru polisia ida soke motor mio husi kotuk.

Asidente mosu banhira kareta Parlamentu ida atu tama iha Parlamentu laran maibe, motorista ida ho motor mio nee atu liu maibe lakonsege liu. Tanba fo dalan ba kareta Parlamentu, mais oknum polisia ida mai husi kotuk soke motor mio husi kotuk, polisia nee la uza sapa matrikula parte kotuk laiha. Lucia Ximene/ Terezinha de Deus

 

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...