Kalamidade Estraga Kanu Bee Mos

DILI, STLNEWS.co – Durante akontese kalamidade iha rai laran, estraga mos kanu bee mos nian iha area Tasitolu, Bairo Foun, tanba nee obriga komunidade sira tenke lao distansia neebe dok hodi buka bee mos.

“Lolos kanu bee mos nee la kotu, maibe foin dadauk inundasaun nee maka halo konu beemos kotu, no too agora parte Servisu Agua Saneamentu (SAS) nian seidauk mai hadia, tanba nee ami komunidade Bairo Foun, partensia lapangan nian nee la hetan bee mos, hotu hotu kuru bee mos iha estrada boot,” kestaun nee haktuir husi komunidade Lucia Moniz ba STL Segunda (03/05/2021) nee, iha Tasitolu.

Nia afirma liu tan, antes seidauk akontese inundasaun komunidade iha Bairo Foun kuru bee la lao dook, tanba hotu-hotu tau osan hamutuk hodi dada bemos tama iha bairo nee, fasilita tebes komunidade sira la lalin jergen dok hodi kuru bee mos, maibe desde inundasaun akontese komunidade kuru bee konsentra hotu iha estrada boot Tasitolu.

Nia parte husu ba governu, liu-liu husi parte SAS nian atu tun iha baze hodi hadia kanu bee mos neebe hetan estragus foin dadauk nee. Tanba kanu bee mos neebe kotu iha Tasitolu, too agora seidauk hadia husi SAS.

Iha fatin hanesan komunidade João da Costa hatutan, governu aperta povu atu sulan metin iha uma, maibe governu la identifika problema saida mak povu hasoru hela iha baze, liu-liu bee mos no kanu neebe fornese bee nian kotu, desde kedas inundasaun akontese semana tolu liu ba nee, maibe too agora tekniku SAS latun hodi kesi fali kanu sira neebe hetan estragus nee.*

Reportajen: Madalena Horta
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Projetu Neebe Finaliza, Governu Tenke Halo Pagamentu

DILI, STLNEWS.co - Reprezentante povu iha uma fukun Parlamentu Nasional, (PN) husu ba governu atu halo pagamentu ba projetu 44 neebe kompania sira finaliza...

Numeru Covid Aumenta, Adriano: Fatin Ba Pasiente Grave La iha

DILI, STLNEWS.co - Deputadu Adriano do Nascimento hatete, kada loron numeru Covid-19 iha Timor Leste kontinua aumenta ba bebeik, maibe fasilidade liu liu ba...
%d bloggers like this: