Kompania Elemloi Fornese Bee Mos Ba Izolamentu Tasi-Tolu

Kompania Elemloi fornese bee mos ba iha izolamentu Tasi-Tolu kada loron, tanba bee laiha, nunee Governu halo langganan ka parseira ho kompania Elemloi. (Foto: STL/Guilhermina Franco)

DILI, STLNEWS.co – Kompania Elemloi fornese bee mos ba iha izolamentu Tasi-Tolu kada loron, tanba bee laiha, nunee Governu halo langganan ka parseira ho kompania Elemloi.

Tuir nain ba kompania Elemloi, Cimedio de Araújo katak, sira fornese bee mos kleur ona desde Corona tama Timor Leste, fatin Tasi-Tolu sai kuarentena mai too agora, bee sira mak lori ba.

“Inisiu fatin nee sei kuarentena, ami fornese bee mos nee tenki 10 too 12, kada loron dalaruma ema menus entaun tenki 2 too 4, neebe depende ba numeru ema neebe presiza bee mos. Maibe agora fatin nee nakfila ba izolamentu neebe ema mos ladun barak hanesan kuarentena, tanba nee kada loron, ami fornese tenki 4 too 5,” informa nain ba kompania Elemloi, Cimedio de Araújo ba STL via telefone Sabadu (20/03/2021).

Nia dehan, bee mos neebe sira fornese nee ba deit kuarentena ho izolamentu Tasi-Tolu, de vês enkuandu fornese mos ba iha kuarentena Tibar, maibe Tibar nee tempu deit, tanba Tibar iha entaun la lori ba. I kada kareta tenki ida 35 dolares ho bee 5000 liter.

Entretantu observasaun jornalista STL haree iha izolamentu Tasi-Tolu katak, kompania Elemloi fornese bee moos ba iha sala izolamentu Tasi-Tolu, neebe kareta tenki tula lori ba para iha izolamentu oin, nunee dada mangeira tama ba portaun laran. Enkuantu informasaun neebe STL asesu katak, kada loron kareta tenki tula bee lori ba iha izolamentu kuaze tenki 4, tanba bee mos laiha, nunee governu liu husi sala izolamentu, kontaktu ba iha kompania nain Elemloi, nunee nain ba kompania orienta nia kliente ka kondutor sira tula bee hodi lori ba iha sala izolamentu.*

Reportajen: Guilhermina Franco
Editor: Ekipa STL

LEAVE A REPLY

Please enter your comment!
Please enter your name here