Komunidade Kuru Bee Mota

DILI, STLNEWS.co – Komunidade neebe hela iha Bairru Moris Foun, besik mota ninin tenke kee mota hodi kuru bee, tanba bee neebe sira uza durante nee maran loron rua ona. Tuir Komunidade Simião Soares dehan, bee maran loron rua ona, tanba nee tenke kee mota, hodi kuru ba fase ropa no tein,” dehan nia ba STL iha mota laran Comoro, Sabadu (08/05/2021).

Nia dehan, ida nee laos foin akontese, maibe iha tinan uluk monu iha fulan hanesan nee dala ruma bee maran la sai, no sira uza deit bee mota neebe kee ba tein no fase roupa.

“Bee neebe ami kee iha mota luut ho roda bee mos los, maibe barak liu uza ba fase roupa deit, tein sira la uza, tanba bee mota nee iha nia okos iha tahu, uza bele hamosu moras,” dehan nia.

Nia hatutan, maske nunee hakarak ka lakohi sira tenke uza bee neebe kee ona, tanba la iha dalan seluk tan, se lakohi uza bee nee, tenke sosa fali bee. Tanba nee nia husu atu governu presiza tau mos atensaun ba kestaun sira nee, atu bele apoiu bee ba iha komunidade neebe mak presiza bee.

Entretantu tuir observasaun STL nian katak, hahu kedas iha loron Sesta (07/05/2021), komunidade barak mak ba kee bee mota laran hodi uza ba nesesidade lor-loron nian, no kontinua mai iha loron ohin, komunidade barak mak asesu ba bee mota, tanba kuaze uma kain 10 resin mak bee laiha.

Maske nunee, iha uma kain ida mak ajuda hodi oferese bee mos ba familia sira, maibe ema barak mak ba kuru, tanba nee iha balu deit mak kuru no balu la iha.

Too oras nee dadaun, mota Comoro neebe kada loron nakonu ho ema neebe pineira rai henek, oras nee dadaun nakonu mos ho ema neebe kuru bee, balu fase roupa, no balu haris.*

Reportajen: Terezinha de Deus
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: