Komunidade Lurumata Tuda Pessoal Saude

Komandante Polisia Nasional Timor-Leste (PNTL), Munisipiu Dili Superintendente Xefe Polisia Henrique da Costa informa, horkalan maizumenus horas 9:30 minutus, akontese komunidade Lurumata balun tuda pessoal saude sira, bainhira atu ba tula pasiente pozitivu Covid-19 iha iha areadores Lurumata. (Foto: STL/Efizenia da Costa)

DILI, STLNEWS.co – Komandante Polisia Nasional Timor-Leste (PNTL), Munisipiu Dili Superintendente Xefe Polisia Henrique da Costa informa, horkalan maizumenus horas 9:30 minutus, akontese komunidade Lurumata balun tuda pessoal saude sira, bainhira atu ba tula pasiente pozitivu Covid-19 iha iha areadores Lurumata.

“Loos duni horkalan iha akontesimentu ida iha Lurumata maizumenus horas tuku 9:30 minutus husi ekipa saude ninian ba foti komunidade sira neebe maka afeta ona moras Covid-19 nian, iha area Lurumata depois sira mos hetan tuda husi komunidade balun iha neeba,” dehan nia ba jornalista sira iha nia knaar fatin Caicoli, Dili, Segunda (15/03/2021).

Nia dehan, tanba nee sira haruka kedas sira nia patrulla Eskuadra Dom Aleixo, tun kedas iha area refere no hetan mos apoiu husi Unidade Espesial Polisia (UEP), nia konsege espresa ema hirak neebe maka iha no halai lakon hotu no la konsege kaptura ema ida.

Nia afirma liutan, ba pesoal saude sira laos ba tiha iha terrenu mak buat ruma akontese ka hetan problema ruma mak foin komunika, nee komunikasaun la duun diak, tanba hakarak evita problema diak liu duke buka tan problema.*

Reportajen: Efizenia da Costa
Editora: Domingas Gomes

LEAVE A REPLY

Please enter your comment!
Please enter your name here