Komunidade Prontu Sai Husi ESJ no. 4

DILI, STLNEWS.co – Komunidade uma kain lima, neebe durante tinan barak hela iha rai eskola Sekundariu jeral no. 4 de Setembru Balide, prontu sei husi fatin neeba.

Abrao Mendonca, hanesan komunidade dehan, sira mos koopera ho governu, bainhira atu hasai husi fatin refere, sira prontu atu sai husi fatin refere, tanba sira hakarak muda ona, maibe ho kondisaun nunee sira atu ba hela iha neebe,sira nia uma halo ona, iha momentu nee rai monu uma sira nee hetan estragus hotu, selae sira muda sai ona.

“Ho dezastre mak ami sei hanesan nee, selae ami sei tiha ona, maibe ami hein sekuandu estudu haruka ami sai, ami prontu para sei husi fatin ida nee,uluk tempu Indonesia hau hela dini iha eskola ida nee, tanba nee, hau hela iha nee kuaze tinan 30 resin ona, hau hela iha nee desde iha tinan 1991, akontese 12 de Novembru iha santa cruz nee hau servisu iha nee ona,kolega balun mai hela iha 1999, hau hela iha nee desde hau sei klosan, ami hamutuk nya kain lima mak hela iha nee. Ami iha nee rejistu tiha ona, tanba xefe suku no xefi aldeia sira foti tiha ona dadus,atu muda ami ba Tibar, maibe ami hein deit tanba sira foti ona dadus atu muda sai ami nee,” dehan Abrao ba STL, iha Balide Dili, Segunda (12/07/2021).

Nia dehan, nudar sidadaun prontu atu koopera ho governu,atu nunee bele sai husi eskola ida nee, maibe sira laos hela tinan hat ou lima nia laran,maibe tinan barak ona sira hela iha fatin ida nee, maibe sira prontu sai iha fatin nee, ho nunee eskola sira bele uza fatin neebe durante sira hela iha tinan barak nian laran.

Nunee mos, Diretor ESJ no. 4 de Setembru Balide, Sergio A.da Cruz hatete, rai eskola ninia nee, komesa husi nee too iha foho leten nee ba, nee rai eskola ninia, neebe komunidade neebe mak hela iha nee,uma ida uluk eskola halo ba professor sira atu hela, nee iha uma hat.

Sergio dehan, uma neebe komunidade dadaun hela nee, uluk halo ba professor sira, tanba sira prontu husik fatin ida nee, importante mak hasai sira tenke ho dignu, oinsa konsidera sira hanesan sidadaun Timor oan.*

Reportajen: Jacinta Sequeira
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: