Komunidade Suku Kuluhun Kumpri Regras OMS

Xefe Suku Kuluhun, Deus Dado Martins hatete, komunidade suku Kuluhun desde estadu emerjensia dahuluk to ida agora nee, nia sidadaun sira kumpri regras prevensaun Covid-19 neebe fo sai husi Minsiteriu Saude no Organizasaun Mundial Saude (OMS). (Foto: STL)

DILI, STLNEWS.co – Xefe Suku Kuluhun, Deus Dado Martins hatete, komunidade suku Kuluhun desde estadu emerjensia dahuluk to ida agora nee, nia sidadaun sira kumpri regras prevensaun Covid-19 neebe fo sai husi Minsiteriu Saude no Organizasaun Mundial Saude (OMS).

“Ita hotu hatene katak Covid-19 nee iha ita nia nasaun vizinus, Covid-19 kona barak ona no hamate ona ema, ita nia governu mos fo apelu liu husi MS no OMS atu kumpri tuir regras prevensaun Covid-19, nunee moras ida nee labele daet ba no hamate ema, tanba nee hau apela ba hau nia komunidade atu lao tuir kriteria neebe mak Ministeriu Saude fo sai ona,” dehan Xefe suku nee ba STL iha nia knaar fatin, Sede Suku Kuluhun, Dili, Kuarta (10/02/2021).

Xefe suku nee dehan, nia komunidade sira durante kumpri regras husi MS hanesan tenke fase liman no uza maskra no mos distansia fisiku, ida nee tenki halo tuir, para bele atu hadook an husi moras Covid-19, ka daet husi ema seluk no mai husi ema seluk.

“Se bele karik estadu reforsa liu ba fatin hanesan aeroportu no mos iha area terestre hanesan iha lina fronteira, tamba fatin importante sira hanesan nee tenki asegura no taka metin, nunee sidadaun neebe hanesan tama ilegal nee, bele haruka kedas ba iha kuarentena, tamba nee perigu tebes wainhira sira lori moras nee tama mai Timor.” hatete nia.

Nia Informa, ate agora iha Suku Kuluhun, aldeia balu komunidade neebe kista naran tama iha reklamante ate agora sira seidauk simu subsidiu, sesta bazika Suku Kuluhun hetan ona asesu husi governu no iha aldeia balun mak simu ona, maibe iha balun mak seidauk, tan nee agora sira husi administrasaun suku sira sei reforsa hela ba reklamasaun nee.

“Iha aldea hitu mak simu ona sesta bazika, maibe iha Xefe de familia balun mak naran la simu, neebe agora ba reklamasaun nee lasimu, tamba sistema mak la simu tan nee nain hitu tun fali mai nain lima deit,” katak nia.

Nia hatete, suku kuluhun rasik total habitantes hamutuk 7.743, habitantes sira hotu hetan sesta bazika, balun mak la simu.*

Reportajem: EST/DO, EST/JO
Editor: Crisogono Magalhães

LEAVE A REPLY

Please enter your comment!
Please enter your name here