Komunidade Uma Kain 60 Okupa Rai Eskola

DILI, STLNEWS.co – Too agora komunidade hamutuk uma kain 60 mak sei okupa hela rai Eskola Sekundariu Jeral (ESJ) no. 4 Setembru, Balide, Dili.

Lia hirak nee,hatoo husi Direitor ESJ no 4 Balide, Sergio A. da Cruz, ba STL liu husi telefone, Sesta (11/06/2021).

Nia dehan, husi numeru nee uma kain 4 sira neebe afeta ba inundasaun nee, agora dadaun sira sei uza sala rua, uma kain ida tan okupa uluk kedas iha biblioteka ninia, maibe uma kain 60, komunidade uma kain 6, neebe hela iha resintu eskola nee sira komesa hela iha tinan 1999.

“Problema tan mak tempu udan bee husi komunidade tun mai eskola halo tahu sae makas ho bee nalihun iha area eskola, no bele sai mota boot iha area eskola nia, tanba bee dalan husi uma sira nee laiha, entaun tenke tama hotu mai area eskola nian, fatin eskola mak sai fatin ba simu bee husi komunidade sira nee, iha tempu udan boot, susar tebes mai ami, asuntu nee hatoo ona ba Ministeriu Edukasaun, Juventude, no Desportu (MEJD), husi edukasaun fo resposta katak, depois mak sei haree,” dehan Sergio.

Iha parte seluk, Diretor Edukasaun Munisipiu Dili, Duarte Bragança, dehan los duni katak eskola sira iha Munisipiu Dili, balun komunidade sei hela, maibe ba asuntu ida nee ministeriu relevante nafatin buka meus hodi bele haree asuntu ida nee, tanba eskola nee hanesan fatin atu halao prosesu aprendizajen, hodi eduka estudante sira.*

Reportajen: Jacinta Sequeira
Editor: Josefa Parada

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: