Kontra Serka Sanitaria PNTL Kaptura Sidadaun 309

Relasiona ho rezolusaun governu neebe implementa ona serka sanitaria iha kapital Dili laran, maibe sidadaun barak maka la kumpri regras serka sanitaria, tanba nee PNTL halo kapturasaun ba sidadaun hamutuk nain 309 hodi ba halo identifikasaun. (Foto: STL/Efizenia da Costa)

DILI, STLNEWS.co – Relasiona ho rezolusaun governu neebe implementa ona serka sanitaria iha kapital Dili laran, maibe sidadaun barak maka la kumpri regras serka sanitaria, tanba nee PNTL halo kapturasaun ba sidadaun hamutuk nain 309 hodi ba halo identifikasaun.

“Ita nia operasaun ba sidadaun sira neebe maka kontra rezolusaun governu numeru 12/2021 dia 8 de Marsu, ninian ita halo operasaun hahu kedas iha horbainrua, horisehik ho ohin numeru neebe maka ita kaptura 309 pessoas husi nee iha nain 64 maka feto, nomos minoridade nain 12, restu husi nee mane ita prosesu hotu halo identifikasaun ona ba sira hodi haruka sira fila uma,” dehan Komandante Polisia Nasional Timor-Leste (PNTL), Munisipiu Dili Superintendente Xefe Polisia Henrique da Costa ba jornalista sira iha nia knaar fatin Caicoli Dili, Segunda (15/03/2021).

Nia dehan, tanba ne operasaun nee kontinua halo nafatin too orsida kalan tuku 11:59 hodi hein desizaun foun ba serka sanitaria nian iha kapital Dili.

Nia hatete, PNTL kontinua halo operasaun ba komunidade sira neebe maka la kumpri serka sanitaria nee, nunee bele halo identifikasaun ba sira hodi bele haruka fila ba uma.*

Reportajen: Efizenia da Costa
Editora: Domingas Gomes

LEAVE A REPLY

Please enter your comment!
Please enter your name here