Laiha Planu Diak Infraestrutura Rai Laran Taka Kuak

DILI-Planu Sestu Governu konstituisional nian maka sei tau prioridade liu ba setor infraestrutura iha rai laran maibe, realidade neebe akontese hatudu katak infraestrutura iha rai laran kontinua taka kuak no loke kuak tanba governu laiha planu diak bain hira obra ruma lao.

Tuir Prezidente komisaun E neebe trata asuntu infraestrutura, transporte no Comunikasaun Pedro da Costa katak, planu sestu governu nian maka tau prioridade liu ba infraestrutura iha rai laran tenke lao diak, no hare planu sira nee governu hakarak halo buat neebe maka lalais tanba nee haluha atu halo planu neebe diak bain hira implementa projetu sira nee, ida nee maka failansu sestu governu nian.

Ita hare ba dezenvolvimentu iha rai laran nee lao diak maibe failansu barak neebe maka ita sei hasoru hela tanba nee, governu tenke hadia planeamentu urbanizasaun nee ho diak tanba Dili hanesan kapital ba Nasaun ida nian,”informa Prezidente komisaun E Pedro da Costa ba STL, Sesta (24/02/2017) iha nia knar fatin PN.

Nia mos informa liu tan katak, governu ida neebe maka atu sae iha tinan 2017 nian laran nee tenke tau, planu urbanizasaun ho diak atu nunee infraestrutura iha rai laran nee labele sai problema boot ba povu iha Nasaun ida nee, tanba infraestrutura iha rai laran nee atu lao diak maka, governu tenke kria planu diak no dezenu neebe adekuadu no ekipamentu neebe diak, halo evaluasaun neebe diak atu nunee bele orienta dezenvolvimnetu iha rai ida nee lao tuir ninia dalan.

Iha fatin hanesan Deputadu Paulino Monteiro mos hateten, Setor infraestrutura iha rai laran atu lao diak maka, governu tenke iha planu no supervizaun neebe diak atu nunee bele garante kualidade obras iha rai laran. Madalena Horta

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...