Loja Sineza Balun Lakumpri Regras Ba Prevensaun Covid-19

Loja sineza balun la kumpri regras ba prevensaun Covid-19 nian, tanba iha loja oin la tau be no sabaun ba kliente sira. (Foto: STL/Domingas Soares)

DILI, STLNEWS.co – Loja sineza balun la kumpri regras ba prevensaun Covid-19 nian, tanba iha loja oin la tau be no sabaun ba kliente sira.

Tuir observasaun jornalista STL, iha terenu katak, loja sineza sira neebe iha parte Kampung Baru kuaze kumpri regras ba prevensaun Covid-19, tanba tau be ho sabaun iha loja oin, molok kliente tama tenke fase liman.

“Maibe iha parte Rotunda Comoro loja sineza neebe iha dalan publiku nee la kumpri regras ba prevensaun no mitigasaun Covid-19 nian, tanba iha loja oin la tau bee ho sabaun hodi prepara ba kliente sira hodi fase liman,” tuir observasaun jornalista STL, iha Comoro Kinta (31/12/2020).

Nomos iha klientes barak maka la kumpri regras hanesan la uza maskra, molok tama iha loja laran hodi hola sasan, no iha kliente balun deit maka kumpri regras hodi uza maskra maka tama iha loja sira.

Alende nee mos nain ba loja rasik ho staff neebe iha loja laran balun la kumpri regras prevensaun Covid-19 nian, hanesan la uza maskra, molok atu atende klientes sira neebe tama ba hola sasan iha loja laran, inklui mos iha parte kasir nian.

Reportajen: Domingas Soares
Editor: Ekipa STL

LEAVE A REPLY

Please enter your comment!
Please enter your name here