Lucia N. R. Gusmão Sai Primeiru Lugar Dada Rifa Iha Timor Plaza

DILI, STLNEWS.co – Lucia N. R. Gusmão sente kontente no orgullu hodi hato’o agradese ba Timor Plaza neebe realiza dada rifa hodi nia sai premeiru lugar no konsege hetan motor Yamaha Mio 125 M3 iha Domingo (12/09/2021).

Aleim de Lucia, manan nain seluk neebe hetan sorti iha serimonia dada rifa nee mak hanesan, Domingos de Jesus Barros hetan HP Samsung A025 Blue, Lenor de R. Carlulo hetan HP Samsung A025 Blue, Ja Jin Oh hetan HP Samsung A025 Blue.

Iha dada rifa nee mos, ema nain tolu hetan Cash Shopping Voucher ho valor osan $100,00. Ema nain tolu neebe hetan sorti nee mak hanesan, Domingos Ornai, Johan Royke no Filomena dos Santos.

Manan nain sira nee, nuudar komprador sira neebe durante nee kompras sasan kualker iha loja Timor Plaza nia laran, hetan direitu ba Winer Draw, Shop & Win.

Lucia Gusmão neebe sai primeiru lugar iha dada rifa nee, ba jornalista hateten, nia kontenti no orgullu tebes, tanba bele hetan motor iha programa ida nee.

“Hau senti kontenti no orgullu, tanba planu atu sosa motor la realiza, maibe ohin loron bele hetan motor ida gratuitu. Ohin, kolega mane ida tur iha hau nia sorin manan Cash Shopping Voucher ho valor $100,00. Hau mos reza husu tulun ba Maromak para hau nia nomeru mak sai. La to’o minutu lima hanesan nee, hau nia nomeru mak sai duni,” dehan Lucia kontenti.

Bainhira husu kona ba osan hira mak nia hasai hodi sosa sasan kualker iha loja Timor Plaza, inan hosi oan nain haat nee dehan, nia sosa sasan iha Timor Plaza kuaze $800,00.

“Hau sosa HP rua ba hau nia oan sira no sasan seluk tan neebe total hamutuk $800,00,” katak Lucia.

Aleinde ida nee mos iha manan nain sira seluk hanesan Domingos Ornai, Johan Royke, Filomena dos Santos, Domingos de Jesus Barros, Lenor de R. Carlulo no Ja Jin Oh, hato’o agradese ba Timor Plaza neebe realiza dada rifa ba sira neebe mak sosa sasan kualker iha loja Timor Plaza durante situsaun Covid-19 nia laran.

Entretantu, Manager Marketing Timor Plaza, Abdul Rozi hateten, Timor Plaza realiza dada rifa nee ho objetivu atu motiva komprador sira bele mai nafatin iha Timor Plaza hodi sosa sasan kualker iha loja Timor Plaza.

Tuir nia, aktividade dada rifa hanesan nee halao dala lima (5) tinan ida, maibe tanba situasaun pandemia Covid-19, maka foin mak realiza. “Ami sei realiza dala hat ou lima iha tinan ida nee nia laran. Tanba nee hau husu ba komprador sira rai didiak kupon neebe sira hetan bainhira sosa sasan iha loja Timor Plaza,” dehan Abdul Rozi neebe akompania husi Admin Marketing Timor Plaza, Gabriella.*

Reportajen: Mikael Mali Mau
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: