Merkadu Karantina Ohin Loron Mamuk

Situasaun iha Merkadu Karantina, Terra Santa, Suku Madohi dader nee (09/03/2021). [Foto: Domingas Gomes)

DILI, STLNEWS.co – La hanesan loron baibain no horseik, maski detekta ona bairu vizinu iha komunidade balun mak positivu ona Covid-19, maibe laiha sentimentu tauk husi negosiante ka povu kiik neebe mak durante nee halao sira nia vida moris hanesan negosiu iha merkadu Karantina, Terra Santa, Suku Madohi nian neebe ohin loron nia ambitu neeebe mamuk no nonok tebes.

Tuir observasaun STL iha dadersan nee nota katak, atividade merkadu refere iha ohin loron nian la hanesan iha horseik no antes liuba. Iha loron horseik, atividade merkadu sei lao hanesan baibain, tanba seidauk iha desizaun ruma husi governu. Nee mak negosiante husi munisipiu seluk sei bele lori sira nia produtu mai faan iha fatin nee.

Iha biban nee tuir informasaun neebe mak STL asesu husi komunidade bairru nee katak, iha madrugada nee negosiante husi munisipiu Ermera balun konsege ho kareta lori sira nia sasan mai merkadu nee, maibe sira fila sedu deit tanba kareta laiha atu lori sira.

Kareta neebe tula sira, parte seguransa la hatan fila ona. Tanba nee negosiante sira tenke fila sedu ho lao ain deit.

Tuir negosiante Tereza Soares ba STL hatete, nia parte mai sosa sasan hanesan modo iha merkadu nee iha dader kedas, maibe la toman ona negosiante sira husi munisipiu seluk, tanba sira fila sedu. Baibain sosa direta husi negosiante sira neebe mai husi munisipiu Ermera nian.*

Reportajen: Domingas Gomes
Editor: Ekipa STL

LEAVE A REPLY

Please enter your comment!
Please enter your name here