Modelu Harii Uma Iha Dili, Latuir Norma

DILI-Dadaun nee komunidade sira neebe hela iha Kapital Dili ladauk fo kontribuisaun masimu ba planu dezenvolvimetu iha Dili. Tanba nee, harii uma latuir norma hanesan husi parte Delta mai too iha area Hudi-Laran Bairru-Pite inklui fatin sira seluk.

Hateten Membru Parlamentu Nasional husi Bankada PD Adriano do Nasimento iha Parlamentu Nasional foin lalais.

Tuir Adriano katak, lolos nee Munisipiu Dili nuudar kapital nasaun nee duni, prezisa kontribuisaun komunidade atu nunee kria ambiente neebe furak. Hodi  hatudu  imajen Sidade Dili nuudar sidade kapital Nasaun Timor-Leste (TL).

Maibe, lahatene situasaun nee husi Autoridade Munisipiu Dili (AMD) ho Ministeriu Obras Publiku Transporte no Komunikasaun (MOP-TK) halo kontrola ka ale?

Ema halo uma andar boot-boot husi area  Delta mai too iha Hudi-Laran besik  estrada ninin. Maibe laiha ema ida atu halo kontrola ba ema sira nee. Nunee sira halo uma tuir sira nia gostu, liu-liu ema sira neebe mai husi rai liur mai halo negosiu iha Timor-Leste,”katak Adriano.

Nee duni, husu ba MOP-TK no Prezidente Autoridade Munisipiu Dili oinsa atu halo kontrola ba ema sira neebe halo uma iha Dili laran latuir regras liu-liu sidadaun estranjeiru sira.

Hatan ba preokupasaun hirak nee Prezidente Autoridade Munisipiu Dili, Gaspar Soares dehan, dirasaun neebe iha kompetensia atu kontrola ema halo uma iha Dili laran, husi Dirasaun Nasional Verifikasaun MOPTK. Tanba nee Prezidente Autoridade Munisipiu laiha konpetensia atu halo kontrola.

Maibe se-karik ema ruma laiha autorisazaun MOPTK halo surat ba ema sira nee fo kopya ba Prezidente Autoridade Munisipiu Dili. Nunee nia halo despaisu ba orden publiku tun ba haree. Tuir surat neebe iha laos haruka para, maibe atu dehan deit bele ka labele nee konpetensia MOPTK nian.

Antes notisia nee tuun seidauk hetan komfirmasaun husi parte MOPTK. Augusto da Costa

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...