Mota Estraga Kanu Bee Moos

Xefe Suku Bairru-Pite, João Baptista. (Foto: STL/Natalina Lopes)

DILI, STLNEWS.co – Udan foin lalais nee konsege estraga kanu bee moos, nunee defikulta komunidade Cakaulidu ho Ailok Laran labele asesu ba bee mos neebe fornese husi SAS.

Xefe Suku Bairru-Pite, João Baptista hatete, loron hirak liuba udan boot halo mota boot tun hodi estragus kanu bee, hodi defikulta komunidade Cakaulidu ho Ailok Laran, tenke kuru bee iha fatin dook.

“Ita hotu hatene katak iha loron hirak liuba udan boot no mota tun hodi estragus kanu bee nian, neebe komunidade Cakaulidu ho Ailok Laran sira tenke kuru bee fatin dook, no kuru ema neebe iha bee posu mak uza,” dehan João ba STL iha nia knaar fatin Bairru-Pite, Kinta (08/04/2021).

Nia dehan, komunidade sempre konsumu bee tampung iha tangki besik Dare nia okos, maibe too agora mota boot tun hodi estragus kanu bee, agora provizoriumente bee latun.

Nunee komunidade iha fatin seluk neebe bee uza sanyo, sira mak fo apoiu ba familia neebe laiha bee hodi kuru no konsumu.*

Reportajen: Natalina Lopes
Editor: Ekipa STL

LEAVE A REPLY

Please enter your comment!
Please enter your name here