Negosiante Manleuana Ezije Governu Muda, Negosiante Dalan Ninin

DILI-Negosiante Merkadu Manleuana ezije ba governu atu muda sai negosiante dalan ninin. Tanba halo negosiu iha dalan ninin taka dalan ba sira neebe halao negosiu iha Merkadu.

Tuir Abilio da Silva nuudar negosiante katak, aktividade negosiu neebe iha dalan ninin satan netin koprador sira atu mai Merkadu Manleuana. Tanba nee, husu ba governu liu husi Administrasaun Munisipiu Dili (AMD) tenke tau atensaun ba maluk negosiante sira neebe oras nee dadaun kontinua faan iha dalan ninin. Oinsa hodi bele realoka sira mai iha merkadu neebe governu prepara ona.

Ami sente lakonteti tanba governu ladauk  muda  maluk negosiante sira dalan ninin. Nee duni, sempre prejudika ami negosiante Manleuana tanba   komprador menus no lamai iha fatin nee, problema komprador sosa iha dalan ninin,” dehan Abilio ba STL iha Merkadu Manleuana, Segunda (13/3/2017).

Tuir nian katak, bainhira negosiante sira balun mai iha fatin nee, balun kontinua livremente iha dala ninin ida nee sei prejudika negosiante seluk atu labele hetan rendimentu.

Nee duni, husu ba parte kompetente se bele muda maluk negosiamnte sira neebe kontinaua faan iha dalan ninin atu nuee bele kria balansu iha parte negosiu nian.

Nunee mos negosiante Agusta Alves hateten, governu kuandu hakarak muda negosiante sira labele husik seluk kontinua faan livre iha dalan ninin ida nee kria deskriminasaun ba negosiante.

Nia dehan oras nee dadau Merkadu Manleuana komesa menus visitante no komprador sira. Ida nee fo impaktu ba negosiante sira tanba nee nuudar negosiante husu governu tenke halo rame merkadu nee.

Iha fatin ketak negosiante dalan ninin parte Tasi-Tolu Maria da Silva hateten nia parte hili   faan iha dalan nini kompara ho faan iha merkadu. Faan iha dalan ninin sasan dala barak ema hola lalais liu maibe, kuandu ba Merkadu menus komprador halo sasan lafolin too sasan balun sai dodok hotu.

Ami hili faan iha dalan ninin tanba bele hetan redimentu neebe ladun barak maibe sufisiente. Kuandu iha merkadu kada vez ema ladun hola kauza husi komprador minus,” katak Maria.

Hatan ba preukupasaun no problema nee Xefe Departementu Jestaun Merkadu Munisipiu Dili, Berta Santa Viera hateten nian parte kontinua halao operasaun ba negosiante sira neebe kontinua viola lei numeiru 33/2008 kona-ba hijene orden publika. Tanba lei nee proive no atu regula ema labele faan iha estrada ninin.

“Ami sei esforsu hodi muda negosiante sira  neebe kontinua faan iha dalan ninin iha estrada protokolu. Tanba nee regula ona tuir dekretu lei neebe iha proive ema halo negodiu iha dalan ninin. Alem ida nee, ba kestaun nee mos ho nian objektivu hakarak Sidade Dili sai organizadu no labele sai desorganizadu,” dehan Berta. Natalino T.da Costa

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...