Negosiante OB Manleuana Labele Okupa Estrada

DILI, STLNEWS.co – Koordenador merkadu Manleuana, Julio Caldas, husu ba negosiante obralan labele dada lona tama ba estrada publiku, tanba nee movimentu kareta no motor nian.

Nia hatete, husu ba negosiente OB sira muda sira nia sasan tama ba fatin, labele muda ka dada tama ba estrada publiku, tanba okupa ona metru ida ka rua depois sira okupa tan.

“Hau hatete fila-fila, sira nunka rona tanba sira okupa dalan kloot tiha, hodi halo movimentu publiku ladiak, too hetan dezastre, momentu hau hatete beibeik tenki halo koopera para ita halo mudansa imi nia fatin, liu-liu fatin ba parte sorin, hau fo autorizasaun ba ita boot sira nia fatin agora tau hela kaleng, sai tan mai labele nee kareta no motor nia dalan ka para fatin,” dehan Koordenador merkadu Manleuana nee ba STL iha merkadu Manleuana, Sabadu (15/05/2021).

Nia hatutan, sei sira sai tan husi fatin parte sorin-sorin depois movimentu kareta no motor atu liu husi neebe, tanba agora mosu dezastre hanesan nee, atu fo kulpa ba se, tanba ita maka sala, transporte movimentu publiku ba mai nee araska ka ladiak.

Tanba estadu rai seguransa iha merkadu nee, atu haree patrimonia estadu ninia fatin neebe mak agora negosiante sira uza hela, tanba nee nia husu presiza koopera malu, wainhira mudansa fatin halo uluk kuinesementu iha jestor merkadu, laos halo tuir konforme sira nia hakarak.

“Hau fo ultima ikus ba negosiante sira nia hakarak, neebe sira koopera sei uza fatin neebe estadu fo, selae ami sei foti medida sobu obrigatoriu sasan ida neebe tau iha fatin la aproveita, hau koalia bazeia ba lei 33/2008 tanba lei la fo, lolos nee sira sobu ona maibe hau maka dehan hein lai, hau defende imi maibe negosiante sira nunka mais koopera ho ami,” dehan nia.

Nia salienta, ohin loron Sabadu aban Domingu husu ba negosiante sira halo mudansa fatin neebe okupa estrada publiku, hahu iha Segunda no Tersa tanba aspal nee halo para movimentu kareta no motor, laos halo tan fatin ka uma iha laran, tanba nee nia husu ba negosiante OB sira hatama sira nia sasan iha fatin neebe tau ona ba, labele okupa tan aspal nian.*

Reportajen: Blandina Mauno
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: