Negosiantes Balun La Uza Maskra

DILI, STLNEWS.co – Negosiantes neebe mak faan sira nian modo iha merkadu Perumnas Bairru-Pite, balun kontinua la uza maskra.

Tuir Rosita de Jesus, hanesan negosiante, dehan los duni katak maluk negosiantes balun too agora preokupa deit faan sira nian sasan iha dalan ninin, maibe sira la uza maskra, oinsa mak atu kumpre regras neebe governu aplika ona.

“Tuir lolos ita bele faan sasan, hanesan modo no seluk tan, ami faan iha dalan ninin, maibe ami nian maluk balun la uza maskra, tanba autoridade seguransa mos fo hanoin nafatin, oinsa ita uza maskra no kumpre distansiamentu sosial, iha tempu loraik ema barak mak faan sasan iha nee, ami hetan rendimentu diak,” dehan Rosita ba STL iha Perumnas, Dili, Domingu (16/5/2021).

Nunee mos, Maria de Jesus, nuudar konsumedor dehan, uluk nee ema la faan sasan, agora iha tempu loraik rame fali ona, tanba negosiantes barak mak faan sira nian sasan, inklui maluk balun ho karosa tula sira nian modo hamrik iha dalan ninin.

“Uluk mak ema la faan sasan, maibe agora dadaun rame los, tanba dalan ninin nakonu ho ema faan sasan,” tenik nia.*

Reportajen: Jacinta Sequeira
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: