Parokia Maria Auxiliadora Laiha Selebrasaun Misa Domingo

Igreja Parokia Maria Auxiliadora Comoro, ohin loron Domingo primeiru ba tinan 2020 laiha selebrasaun misa hamutuk ho sarani sira. (Foto: STL/Domingas Soares)

DILI, STLNEWS.co – Igreja Parokia Maria Auxiliadora Comoro, ohin loron Domingo primeiru ba tinan 2020 laiha selebrasaun misa hamutuk ho sarani sira.

Tuir observasaun jornalista STL iha terenu, katak ohin loron Domingo iha Igreja Parokia Maria Auxiliadora Comoro laiha selebrasaun misa hamutuk ho sarani sira hanesan bain-bain, tanba relasiona ho moras pandemia Covid-19 neebe afeta iha mundu tomak inklui Timor Leste.

Tanba nee misa laiha no la hanesan uluk neebe iha loron Domingo selebrasaun misa hamutuk ho sarani sira, dala haat hanesan misa primeiru iha oras tuku 07:30 otl, tuir misa segundu tuku 09:00 otl, i terseiru misa iha tuku 11:00 otl, no ikus liu maka misa iha tuku 05:30 otl lorokraik.

“Maske ohin laiha selebrasaun misa, maibe sarani sira nafatin ba vizita igreja hodi hasae sira orasaun ba Maromak,” tuir observasaun jornalista STL iha igreja Maria Auxiliadora, Comoro, Domingo (03/01/2021).

Reportajen: Domingas Soares
Editor: Ekipa STL

LEAVE A REPLY

Please enter your comment!
Please enter your name here