Pe. Monteiro Mak Misionariu Neebe Hadomi Timor Too Mate

DILI – Iha tuku 10:00 dadersan oras Timor Leste, sarani Timor oan lubuk ho hatais koor oin-oin, halibur iha igreza Katedral-Dili, objetivu hodi simu mate isin Mgr. Jose Alvaro Nolasco Santimano Menezes e Monteiro, ou ho naran koinesidu Pe. Monteiro.

Mate isin Amu Monteiro too iha igreza Katedral simu direitamente husi Bispo Diocese Dili no Maliana hamutuk ho padres, madres no sarani sira, depois lori tama ba iha igreza laran halo misa ikus ba mate isin Amu Monteiro no mos hetan bensaun husi Bispu Diocese Dili.

Misa ikus Amu Monteiro nian lahetan prezensa husi Prezidente Republika, Taur Matan Ruak, Primieru Ministru (PM), Rui Maria de Araujo, Prezidente Tribunal Tekursu, maibe partisipa deit husi Vice Prezidente PN, Primeira Dama, Ministru Interior, Segundu Komandante PNTL, Ministra Saude no Vise, Ministra Solidariedade Sosial, Vise Ministeriu Negosiu Estranjeiru no Kooperasaun, Sekretariu Estadu Juventude no Desportu I mos eis membru Governu no eis deputadu balun.

Iha misa nee mos hetan partisipasaun masimu husi eskola privadu sira hanesan, Kristal, Sao Jose Operario, Sagrada Coraçao de Jesus Becora, Seminariu Maior Fatumeta no minor Balide, Eskola bazika Farol no mos instituisaun IOB, Universidade Da Paz no Instituisaun Siensia Relijiosa, UNTL no PNTL.

Misa ikus Amu Monteiro dirije husi Bispu Diocese Dili, Dom. Virgilio do Carmo da Silva, SDB no nia mos fo bensaun ba mate isin Amu Monteiro. Depois remata mate isin lori kedas ba semiteriu Ailok laran-Dili.

Iha dalan-dalan sarani sira wain ba wain hein mate isin Amo Monteiro nian, hahu husi ema kiik too boot ho laran triste hodi akompania mate isin lori ba too iha semiterio Ailok, laran hodi halao funeral ikus.

Iha biban nee, Bispu Diocese Dili, Dom. Virgilio do Carmo da Silva, SDV hatete, Diocese Dili lakon tan nia ema diak ida neebe durante nee fo nia kontribuisaun ba Timor Leste boot tebes, tanba nia konsege oferese nia-an tomak ba Timor oan sira, halo Timor oan sira sai matenek, nee hatudu katak nia hadomi Timor too mate iha Timor.

Nia domin ba Timor oan no uma kreda Timor, tanba nia domin ba kristu nia halo an nudar profesor, konstruktor, katekista no pregador. Amu monteiro laos amlulik baibain maibe mos misionariu ida katak ida neebe brani husik hela nia rai india goa hodi hakat mai iha rai Timor,” dehan D. Virgilio liu husi diskursu, wainhira hakoi mate isin iha ailok laran-Dili, Segunda (03/10/2016).

Virgilio dehan tan, amu Monteiro lao hadulas rai doben Timor Leste hodi, hanorin no fo sasin kristu moris hias nian iha Parokia lubuk ida. Laos hanorin deit, maibe harii eskola, harii uma kreda lubuk ida no hanorin ema sai ema neebe diak, husi kreda atu hatene hadomi lolos ho nia maluk sira.

Amu Monteiro mos hanesan mestre boot ida neebe didika nia-an iha eskola hodi eduka Timor oan sira nudar amu lulik no misionariu liafuan laiha reserve, signifika atu servi deit Timor nia diak, maske dala barak mosu hanoin neebe lahanesan ho nia kolaborador sira maibe nia ladezanima hakas-an nafatin tanba kristu mak nia forsa no kristu mak nia motor,” nia salenta.

Nia dehan tan, sira sente lakon boot, nia aujensia hodi sarani Timor nia naran husi kiik too boot, husi sira neebe mate tia ona no sira neebe sei moris hela, hakarak hatoo obrigado wain ba buat neebe amo Monteiro halo, liu-liu ba hahalok diak, maibe lakonsege haree no latoo iha nia koinsementu.

Iha fatin hanesan, reprezentante familia Amu Monteiru nian, Longinhos Monteiro dehan, amu Monteiro laiha familia, maibe familia mak igreza Katolika Timor i familia mak Diocese Dili no sarani hotu neebe partisipa iha serimonia nee. Informasaun kompletu iha STL Jornal no STL Web, edisaun Tersa (4/10/2016). Raimundo S. Fraga/ Natalino Belo

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...