Pedro Belo: Agregasaun Fizika Hasoru Negosiante, Tanba Tuda Nuu Hasoru Membru PNTL

DILI, STLNEWS.co – Komandante Operasional Superintendente Xefe Pedro Belo hatete, membru PNTL neebe halo agregasaun fizika hasoru negosiante roda tolu iha loron Domingu, tanba negosiante nee foti nuu talin ida tuda ba membru PNTL, hodi rezulta membru PNTL ida oin nakukun.

Nia dehan, horiseik maizumenus iha oras 11:00 neebe iha akontesimentu ida iha postu entradas Liquiça ho Dili nian publiku hotu hatene katak, durante nee fatin sira nee estadu emerjensia, depois mai iha serka sanitaria nomos aumenta tan konfinamentu domilisiariu, nee ema hotu hatene katak iha regras.

“Sira hanesan iha deit klaran hodi ezekuta deit no halo tuir, iha situasaun ida nee, tanba iha lei hateten duni katak ema hotu neebe maka halo sirkulasaun liu-liu iha Dili, tanba ita konfinamentu domisiliariu entaun ema sira neebe sai husi uma, ho nia kriteira neebe tau hotu iha nia regras,” dehan Komandante Operasional Superintendente Xefe Pedro Belo, ba jornalista sira liu husi konferensia imprensa, neebe halao iha Komandu Jeral Caicoli, Dili Segunda, (24/05/2021).

Pedro Belo hatete, iha regras dehan Segunda, Kuarta no Sesta maka bele halo ida nee, maibe iha diskusaun uituan entre negosiante ho membru sira neebe halao servisu iha postu neeba.

“Iha diskusaun nee banhira koalia la rona iha atusaun polisia dehan katak, se o lakohi o nia nuu nee ami hatun tiha ba nee area Liquiça nian,” Pedro Belo hatete.

Nia hatutan, iha momentu nee negosiante nee sae ba tiga roda leten, lori nuu tali ida soe ba kona polisia ida mos nia oin nakukun, oras nee nia mos vitima hela.

Husi ida nee mak, ema hotu bele akopana, tanba nia senti moras, entaun nia tenta foti nuu ida atu tuda, maibe la konsege tanba nia kolega ida dada tun tia husi tiga roda nia leten, husi ida nee asaun sira nee mosu.

Asaun sira nee laos planeadu, maibe asaun espontanita neebe mosu. Iha rezolusaun governu numeru 60/2021 iha laran neeba hakerek klaru tebes katak, negoaisnate tiga-roda nia bele halo movimentu ba mai hodi halao sira nia aselaridade iha Dili laran.

Maibe movimentu sira ba fali liur iha fali regras neebe maka ema hotu hotu tenke kumpre, tanba ema hotu hatene katak postu entrada neebe maka iha neeba atu estabelese regras neebe maka ema sira tama sai husi Dili, ba iha munisipiu no munisipiu tama mai iha Dili.

Reportajen: Efizenia da Costa
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: