PNTL Fo Hatais Roupa Ba Sidadaun Moras Mental

DILI, STLNEWS.co – Segundu Komandante Polisia Nasional Timor-Leste PNTL Munisipiu Dili, Superintendente Euclides Belo, oferese roupa ho kalsa ida ba sidadaun mane ida, hodi fo hatais direta ba sidadaun nee tanba sofre moras mental neebe maka la uza roupa iha isin lolon.

Segundu Komandante Polisia Nassional Timor-Leste PNTL Munisipiu Dili Superintendente Euclides Belo, hatoo kestaun nee ba jornalista sira iha nia knaar fatin Caikoli, Dili, Segunda (31/05/2021).

Nia dehan, Komando PNTL Munisipiu Dili ohin dader simu informasaun ba dala rua nian, tanba iha Sesta semana kotuk, loraik nian sidadaun neebe maka moras mental no hela iha Estadiu Munisipal nian oin ho moras mental la hatais roupa, no nia halo hela deit movimentu iha kapital Dili hanesan iha estadiu oin, Audian, Kampu Pramuka, tanba nee PNTL hamutuk ho ekipa ida haree hodi fo apoiu no ajuda ba nia hatais roupa ou hatais kalsa ba nia iha Sesta kotuk liu ba loraik.

“Tanba nee ohin Segunda feira dia 31 fulan Maiu ita nia sidadaun nee repete tan hahalok neebe maka hanesan tanba nia moras mental, tanba nee nia konsiensia atu hatais roupa laiha, ho ida nee maka ohin iha Ministeriu Justisa nia oin hau simu informasaun husi gabinete komando jeral nian fo hatene ba hau katak ita nia sidadaun nee ho molik deit, purtantu komandante distritu ho hau, koordena hodi buka roupa ruma fo hatais nia,” dehan nia.

Ho nunee roupa foun neebe maka atu oferese ba sidadaun refere laiha, tanba nee maka roupa desportiva ida neebe maka adjuntu nee nian uza iha tinan rua liu ba hodi fo hatais fali ba iha sidadaun neebe maka moras mental nee.

“Tanba nee maka roupa neebe maka sivil iha nee komando laiha, neebe roupa desportu nian hau rasik hatais uza iha tinan rua liu ba kotuk, no hau rai iha armario laran ohin hau foti buka nia hetan iha Mandarin, estrada boot, nia mos kolabora diak ho hau, hau mos koko konvense ho nia hodi fo hatais nia roupa kalsa ho faru neebe maka iha,” dehan nia.

Nia hatete, faru neebe maka nia hatais nee mos husi membru komunidade 40 nian ho naran Sabino, nia mos toman hodi fo apoiu ba sidadaun refere.

Adjuntu nee esplika, embora nia hatais roupa nia mos husu katak nia presiza hahan hodi han, entaun sira konsege sosa etu fo ba nia han.

Nia hatutan, espera katak diresaun ONG sira neebe maka iha bele tau matan ba sidadaun sira neebe maka iha, hanesan defisiente sira iha ona, maibe sira neebe maka moras mental sira nee iha Dili presiza tau atensaun tanba sira bele korta kareta no bele hetan asidente ou asaun ruma hasoru ema seluk.

Tanba nee maka PNTL tau matan ba ida nee, maibe knaar ida nee sei koordena ho ministeriu relavanate, liu liu ministeriu sira neebe maka iha papel fo apoiu nee bele haree ba sira hodi rai iha fatin ida.

Nia hatutan, presiza tau matan ba sira importante maka sira labele toba fali iha estrada, tanba sira okupa iha estrada klaran bele halo intervensaun.

PNTL laiha verbe atu tau matan mos hodi prepara aihan ba sira, situasionalmente bainhira hasoru iha terenu kuandu servisu buat ruma hanesan ohin hasoru nee sira hanesan ema fo netik apoiu ba sira neebe maka iha, maske kikoan no laiha valor maibe nee asaun humana nian.*

Reportajen: Efizenia da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

MEJD Planu Sei Harii Tan Eskola

DILI, STLNEWS.co - Ministru Edukasaun, Juventude, no Desportu (MEJD), Armindo Maia hateten, tinan nee governu liu husi MEJD sei harii tan eskola hamutuk 250...

Aimoruk La Too, Komunidade Buruma Balun La Vasina

BAUCAU, STLNEWS.co - Komunidade iha Suku Buruma antusiasmu tebes atu simu vasina kontra Covid-19, maibe aimoruk la sufisiente, nunee balun deit mak simu vasina...

Reativa Eskola Iha Baucau Sei Marka Audensia Ho MEJD

BAUCAU, STLNEWS.co - Diretor Servisu Munisipal Edukasaun, Juventude, no Desportu (SMEJD) Baucau, Segunda semana oin sei marka audensia ho Ministeriu Edukasaun, Juventude, no Despostu...
%d bloggers like this: